ДАҒАЗА: Барлық мәмлекетлик емес коммерциялық емес шөлкемлери дыққатына!

Қарақалпақстан Республикасы Әдиллик министрлиги хабарлайды!

Өзбекстан Республикасы Министрлер Кабинетиниң 2014-жыл
10-марттағы 57-санлы қарары менен тастыйықланған “Мәмлекетлик емес коммерциялық емес шөлкемлерин мәмлекетлик дизимнен өткериў тәртиби ҳаққында”ғы Режесиниң 47-бәнтине тийкар мәмлекетлик емес коммерциялық емес шөлкемлери, сондай-ақ аймақлық бөлимлери тийисли әдиллик уйымына ҳәр жылы 1-февралға шекем — өткен жылдағы
өз искерлиги ҳаққындағы есабатты, сол есаптан искерликти қаржыландырыў дереклери ҳәм қаржылардың сарыпланыўы ҳаққындағы декларацияны, бар болған ағзалар саны ҳаққындағы мағлыўматларды Өзбекстан Республикасы Әдиллик министрлиги тәрепинен тастыйықланатуғын форма бойынша усынылыўы нәзерде тутылған.

Усыған көре, министрлик барлық мәмлекетлик емес коммерциялық емес шөлкемлерине өткен жылдағы өз искерлиги ҳаққындағы есабатын нызамшылықта белгиленген мүддетте усыныўыңызды сорайды.

Егерде мәмлекетлик емес коммерциялық емес шөлкемлери тәрепинен есабатлар өз ўақтында усынылмаса, Өзбекстан Республикасы Ҳәкимшилик жуўапкершилик ҳаққындағы кодексиниң 239-статьясындағы жуўапкершилик тийкарларын келтирип шығарыўын мәлим етемиз.

Мағлыўмат ретинде: Мәмлекетлик емес коммерциялық емес шөлкемлериниң өз искерлиги ҳаққындағы есабатларын дизимнен өткериўши уйымға усынбаўы, өз ўақтында усынбаўы яки белгиленбеген формада усыныўы, өз искерлиги ҳаққында биле турып натуўры мағлыўматлар усыныўы, дәл сондай мәмлекетлик емес коммерциялық емес шөлкемлериниң мәлимлемени, сол есаптан олар тәрепинен мал-мүлк ҳәм пул қаржыларынан пайдаланылыўы ҳаққындағы тастыйықлаўшы ҳүжжетлерин усынбаўы — лаўазымлы шахсларға ең кем ис ҳақысының он бес есесинен отыз есесине шекем муғдарда жәрийма салыўға себеп болады. 

 

скачать dle 10.6фильмы бесплатно



  • 15-01-2020, 18:58 |
  • 823