Мойнақтағы шаңараққа материаллық жәрдем берилди

Мойнақтағы шаңараққа материаллық жәрдем берилди

 

Өткен 2019-жыл 17-декабрь күни Мойнақ районы Мамбетмуратов көшеси турғыны Бердимуратов Арысланнын шаңарағында жүз берген өрт нәтийжесинде шаңарақ ийеси А.Бердимуратов жүдә аўыр күйиў жарақатын алып, өмирден көз жумғанлығы, өмирлик жолдасы Тлеуниязова Турсынай болса орташа аўыр күйиў жарақатын алып, емлеўхананың реанимация бөлиминде емленип атырғаны, жас шаңарақтың болса 3 перзенти қутқарылып қалынғанлығы ҳаққында ғалаба хабар қуралларында айтылған еди.

Мойнақтағы шаңараққа материаллық жәрдем берилди

 

Халқымызды разы етиў мәмлекетимизде алып барылып атырған әдил сиясаты негизинде 2020-жылдың 1-январь күни Қарақалпақстан мусылманлары қазыяты қазысы Шамшетдин Бауатдиновтың басшылығында өрттен жәбир шеккен бул шаңарақ ағзаларына қәўендерлик етип турған марҳум Арысланның туўысқан ағасы Марқабай аға шаңарағы ҳалынан хабар алынды ҳәм «Вақф» қайырқомлық фонды тәрепинен 8 млн. 500.000 сўмлық сертификат ҳәм үй-руўзыгер буйымларынан материаллық жәрдемлер берилди.

Өзбекстан Республикасы Президенти Пәрманы менен Өзбекстан мусылманлары басқармасы қасынан «Вақф» қайырқомлық фонды шөлкемлестирилген еди. Бүгинги күнде фонд республикамыздың ҳәмме аймақларында қайырқомлық акцияларын әмелге асырмақта. Солар қатары Қарақалпақстанда да бир нешше мәрте кем тәмийинленген шаңарақлар, жәрдемге мүтәж инсанлар ҳәм нәгиранларға материаллық жәрдемлер бермекте.

 

Даўытбай Беканов, Қарақалпақстан мусылманлары қазыяты хызметкери.

Дерек: paziylet.uz

скачать dle 10.6фильмы бесплатно



  • 13-01-2020, 13:39 |
  • 493