«Рустам Азимов ҳүкиметтен кетти», деген хабар тарқады

«Рустам Азимов ҳүкиметтен кетти», деген хабар тарқады

 

Өзбекистан ҳүкимети экономика комплексинде және өзгерислер жүз берди, деп хабар бермекте kun.uz басылымы. Бас министр орынбасары, Макроэкономикалық раўажландырыў, қурамлы өзгерислер, сырт ел инвестицияларын тартыў комплекси баслығы Рустам Азимов лаўазымынан кеткен.

«Kun.uz» басылымы дерегиниң берген мағлыўматына қарағанда, оның орнына Өзбекистан Республикасы Финанс министриниң биринши орынбасары Жамшид Қўчқоров тайынланған.

Рустам Азимов өткен жылдың декабрь айында Финанс министри ҳәм Бас министрдиң биринши орынбасарлығынан кеткен еди. Оның министрликтеги орнын Ботир Хўжаев Асадиллаевич ийеледи, «Ўзбекистон темир йўллари» АЖ баслығы Очилбой Раматов Жуманиёзович болса Бас министрдиң биринши орынбасары болды.

Рустам-Азимов 1991-1998-жылларда Өзбекистан Республикасы сыртқы жумыс миллий банки басқарыўы баслығы, 1998-2000-жыллар Өзбекистан Республикасы Финанс министри болып жумыс ислеген.

2000-жылдан 2002-жылға шекем ол Өзбекистан Республикасы Бас министриниң орынбасары – Финанс министри, 2000-2003-жылларда Өзбекистан Республикасы Бас министриниң орынбасары – Макроэкономика ҳәм статистика министри болып ислеген. 2003-2005-жылларда Өзбекистан Республикасы Сыртқы экономикалық байланыслар министри. 2005-2008-жылларда Өзбекистан Республикасы Финанс министри. 2008-жыл 22-ноябрьден 2016-жыл декабрьға шекем Өзбекистан Республикасы Бас министриниң биринши орынбасары – Финанс министри, макроэкономикалық раўажландырыў комплекси баслығы. 2016-жыл 15-декабрьден Бас министр орынбасары, Макроэкономикалық раўажландырыў комплекси баслығы.

Ҳәзирги ўақытта оның кейинги жумысы ҳаққында мағлыўмат жоқ.

 

Фото: kun.uz

скачать dle 10.6фильмы бесплатно



  • 6-06-2017, 13:06 |
  • 648