28 түрдеги мағлыўматнаманы талап етиў қадаған етиледи

“Бюрократиялық тосықларды еле де қысқартыў ҳәм мәмлекетлик органлары ҳәм шөлкемлери искерлигине заманагөй басқарыў принциплерин енгизиў ис-илажлары ҳаққында”ғы Президент қарары (ПҚ–4546-сан, 09.12.2019-ж.) қабыл етилди.

Қарарға муўапық, 2020-жыл 1-январдан баслап:

 -   ҳәкимликлердиң өз алдына функция ҳәм ўәкилликлери тийисли мәмлекетлик басқарыўы органларының аймақлық бөлимлерине өткериледи;

 -   ҳәкимликлердиң бир қатар функция ҳәм ўәкилликлери шығарып тасланады;

 -  мәмлекетлик органлары ҳәм шөлкемлери жәми 28 түрдеги ҳүжжетлерди пуқаралардан талап етиўи, пуқаралардың өзин-өзи басқарыў органлары тәрепинен болса олардың берилиўине жол қойылмайды;

 -  Президент ҳәм Ҳүкимет ҳүжжетлери менен дүзилген (дизими усы қарарда келтирилген) кеңселер аралық коллегиал органлары сапластырылады.

Атап айтқанда, қарарға муўапық турақ жайды турақ жай емес қатарына өткериўге рухсатнама бериў функциясы ҳәкимликлерден район (қала) қурылыс бөлимлерине өткериледи.

Сондай-ақ, ҳәкимликлердиң базар искерлигин тоқтатып турыў бойынша қарар қабыл етиў уқсаған ўәкилликлери бийкар етиледи.

2021-жыл 1-январдан баслап мәмлекетлик органлары ҳәм шөлкемлери, олардың қурамлық бөлимлери арасында ҳүжжет айланысы ҳәм есабатларын жүргизиў тек электрон көринисте әмелге асырылады.

Мағлыўмат орнында, усы ҳүжжет Өзбекстан Республикасы Әдиллик министрлиги усыныслары тийкарында ислеп шығылған.

 

Дерек: @huqiqiymalimleme

скачать dle 10.6фильмы бесплатно



  • 10-12-2019, 18:00 |
  • 1 507