Өзбасымшалық пенен қурылған имаратлар ҳаққында нелерди билиў кереклиги ҳаққында

 

  1. Өзбасымшалық пенен қурылған имарат қандай имарат?

Төмендегилер өзбасымшалық пенен қурылған имарат есапланады (http://lex.uz/docs/3258011):

 -  қурылыс мақсетлери ушын ажыратылмаған жер участкаларында;

 -  имарат қурыў ушын зәрүр рухсатнама алмастан;

  -  архитектура ҳәм қурылыс нормалары ҳәмде қағыйдаларын қатаң бузған ҳалда қурылған көшпес мүлк.

 

  1. Өзбасымшалық пенен қурылған имарат қандай анықланады?

 

  Төмендегилерди тексериў арқалы:

 -  район (қала) ҳәкиминиң тийисли қарары бар екенлиги;

 -  үй-жай қурылысы ушын район қурылыс бөлими менен келисилген жойбардың бар екенлиги;

 -  қаласазлық нормалары ҳәм қағыйдаларына муўапық қурылғанлығы.

 

  1. Имараттың өзбасымшалық пенен қурылғанлығы анықланғанда не исленеди?

 

Имаратты қурған шахс 15 күн мүддет ишинде оны бузып таслаўы шәрт.

 

Имаратты шахс тәрепинен имаратқа қарата мүлк ҳуқықын тән алыў ҳаққында судқа даўа берилген жағдайда, суд қарары қабыл етилгенине шекем имараттың бузылыўы тоқтатып турылады.

 

  1. Имаратқа қарата мүлк ҳуқықы суд тәрепинен тән алынса не?

 

Өзбасымшалық пенен қурылған имаратқа қарата мүлк ҳуқықы суд тәрепинен тән алынса, имартаттың ийеси деп табылған шахс имарат қурған шахстың қәрежетлерин қаплап береди.

 

  1. Өзбасымшалық пенен имарат қурған шахс оны бузып тасламаса не болады?

 

Район (қала) ҳәкимлиги жанындағы тийисли комиссия өзбасымшалық пенен қурылған имаратты бузып таслаў ҳаққындағы ҳәкимниң даўа арзасын судқа киргизилиўин тәмийинлейди.

 

  1. Имаратты бузыў кимниң есабынан әмелге асырылады?

 

Имаратты қурған шахс есабынан.

 

  1. Өзбасымшалық пенен ийелеген жерлерге жумсалған қәрежетлерди ким қаплайды?

 

Бундай сарп-қәрежетлер қапланбайды. Жер участкаларын пайдаланыў ушын жарамлы  жағдайға келтириў өзбасымшалық пенен ийелеп алған шахслар есабынан әмелге асырылады.

 

  1. Жерди ийесине қайтарыў қай тәртипте әмелге асырылады?

 

Өзбасымшалық пенен ийелеп алынған жер участкасын жер ийесине, жерден пайдаланыўшыға, жер участкасы ижарашысына ямаса мүлкдарына қайтарыў тийисли район, қала, ўәлаят ҳәкиминиң қарарына ямаса судтың шешиўши қарарына көре әмелге асырылады.

 

Мағлыўмат орнында:

Ҳәкимшитлик жуўапкершилик ҳаққындағы кодекске көре, жер участкаларын өзбасымшалық пенен ийелеп алыў, пуқараларға 2 230 000 сумнан 3 345 000 сумға шекем , лаўазымлы шахсларға болса — 4 460 000 сумнан 6 690 000 сумға шекем муғдарда жәрийма салыўға ямаса 15 суткаға шекем ҳәкимшилик қамаққа алыўға себеп болады.

Сондай-ақ, усы ҳуқықбузарлықты ҳәкимшилик жаза қолланылғанынан кейин ислегенлиги ушын жынайый жуўапкершилик белгиленген.

 

Дерек: @huqiqiymalimleme

скачать dle 10.6фильмы бесплатно



  • 4-12-2019, 18:49 |
  • 2 206