1-Декабрьден баслап нелер өзгерди?

 

  1. Күшли тәсир етиўши затлар дизиминдеги дәрилер айырым дәриханаларда ғана сатылады

 

2019-жыл 1-декабрден баслап күшли тәсир етиўши затлар дизимине киргизилген дәрилер тек социаллық дәриханалар ҳәмде нәшебентлик қураллары ҳәм психотроп затларды сақлаў ҳәм реализация етиў искерлиги бойынша лицензияға ийе болған дәриханалар тәрепинен сатылады.

 

  1. IMEI-кодты дизимнен өткериў пуллы болады

 

Өзбекстан аймағында пайдаланылып атырған, сатыў ямаса жеке пайдаланыў ушын алып киргизилетуғын ҳәм ислеп шығарылатуғын мобил қурылмалар физикалық шахслар, импорт етиўшилер ҳәм ислеп шығарыўшы кәрханлардың мобил қурылмаларын халықаралық өзине сай идентификация кодлары бойынша дизимге алыў системасына мүрәжат етиў арқалы пуллы тийкарда дизимге алынады.

 

  1. Искерликтиң лицензияланатуғын түри биреўге көбейеди

 

Материаллық мәдений мийрастың көшпес мүлк объектлерин асыраўға байланыслы искерлик ушын лицензия алыў талап етиледи.

 

  1. Грант қәрежетлерин тартыўда қатнасқан хызметкерлер хошаметленеди

 

2019-жыл 1-декабрден баслап:

 

Cырт елли мәмлекетлер ҳәм шөлкемлер донорлар делегацияларының Өзбекстанға келиўин ҳәм олардың рәсмий баспалар менен ушырасыўларын шөлкемлестириў бойынша сораўларды Сыртқы ислер министрлигине алдыннан жибериў мүддети 30 жумыс күнинен 15 жумыс күнине шекем қысқартылады;

 

грант алыўшылар тәрепинен банк есап бетлеринен көширмелерди, сондай-ақ, техникалық жәрдем қәрежетлери ҳаққындағы мағлыўмат ҳәм кеңселик есабатты Финанс министрлигиниң Қазнашылығына усыныў мәжбүрияты бийкар етиледи;

 

грант алыўшылар ҳәр шеректе алынған ҳәм өзлестирилген грантлар ҳәмде әмелге асырылып атырған сыртқы бийғәрез жәрдем жойбарлары ҳаққындағы мағлыўматларды Инвестициялар ҳәм сыртқы саўда министрлигине усынады;

 

мәмлекетлик органлар баслықлары грант қәрежетлерин тартыўға тиккелей қатнасқан хызметкерлерди мийнетке ҳақы төлеў минимал муғдарының 15 есесине шекем бир жола сыйлықлаў түриндеги хошаметлеўге ҳақлы болады.

 

  1. Фармацевтикалық инспекция өткериў бойынша реже күшке киреди

 

Зәрүр әмелиятлар (GxP) талапларына муўапықлық бойынша инспекциялар өткериў тәртиби ҳаққындағы реже күшке киреди.

 

  1. Энергетика менежменти системасы енгизиледи

 

Айырым кәрхана ҳәм шөлкемлерде энергетика менежменти системасы халықаралық стандартқа (ISO 50001) муўапық басқышпа-басқыш енгизиледи.

 

Усы системада төмендегилер нәзерде тутылады:

 

энергия тутыныўы нәтийжелилигин баҳалаўдың әшкаралығы ҳәм қалыслығы, кәрханалардың энергия сарыплаўы көлемин пәсейтириў, сондай-ақ, атмосфераға шығарылатуғын шығындыларды кемейтиў;

 

ресурсларды, биринши нәўбетте финанслық қәрежетлерди минимал дәрежеде сарыплап энергия тутыныўын басқарыў нәтийжелилигине ерисиў;

 

ислеп шығарылып атырған өним, көрсетилип атырған хызметлердиң бәсекелигин асырыў.

 

  1. Тракторшы-машинист гуўалығының жаңа үлгиси бериледи

 

2019-жыл 1-декабрден Ташкент қаласында, 2020-жыл 1-марттан пүткил республикада тракторшы-машинист гуўалығының, техникалық паспорт ҳәм техникалык гуўалықтың жаңа үлгилери бериледи.

 

  1. Тренерлер ҳәр 5 жылда аттестациядан өткериледи

 

Республикада искерлик жүргизилип атырған тренерлер Дене тәрбия ҳәм спорт бойынша қәнигелерди илимий-методикалық тәмийинлеў, қайта таярлаў ҳәм маманлығын асырыў орайы ҳәмде оның филиаллары базасында ҳәр 5 жылда аттестациядан өткериледи.

 

Дерек: @huqiqiymalimleme

 

скачать dle 10.6фильмы бесплатно



  • 3-12-2019, 09:56 |
  • 1 592