Мәмлекетлик емес билимлендириў хызметлерин көрсетиў тараўындағы искерликти лицензиялаў тәртиби

Мәмлекетлик емес билимлендириў хызметлерин көрсетиў тараўында тәлим түрлери бойынша лицензия алыў ушын лицензия даўагери төмендеги ҳүжжетлерди Мәмлекетлик хызметлер орайларына усыныс етеди ямаса электрон түде Бирден-бир интерактив мәмлекетлик хызметлер порталы арқлаы жибериўи мумкин.

Лицензия бериў ҳаққындағы арза. Арзада юридикалық шахстың аты ҳәм шөлкемлестирў ҳуқуқый формасы, жайласқан орны, почта мәнзили, билимлендириў искерлигин әмелге асырыў мәнзили, банк мекемесиниң аты ҳәм банктеги есап бети, искерликтиң лицензияланып атырған түри, билимлендириў бағдарлары дизими. Лицензия бериў ҳаққындағы арзада лицензия даўагериниң лицензия талаплары ҳәм шәртлерине әмел қылыныўы ҳаққындағы разылығы ҳәм электрон мәнзили көрсетиледи;

өрт қәўипсизлиги ҳәм санитария-эпидемиология бақлаўы органларының бар болған имаратлар ҳәм ханалардың өрт қәўипсизлиги талапларына ҳәм санитария-гигиена нормаларына муўапықлығы ҳаққындағы жуўмақлары;

педагог кадрлар ҳаққында мағлыўмат;

оқыў режеси ҳәм дәстүрлердиң электрон нусқалары;

арза көрип шығылғанлығы ушын лицензия даўагери тәрепинен жыйым төленгенлигин тастыйықлаўшы ҳүжжет нусқасы.

Лицензия бериў ҳаққындағы арзада лицензия даўагериниң электрон мәнзили көрсетилгенлиги оның арзасы бойынша қабыл қылынған қарар ҳаққында ахборат системасы арқалы электрон түрде хабарнама алыўға болған разылығы есапланады.

Лицензия даўагериниң арзасы көрип шығылғанлығы ушын ең кем айлық ис ҳақының еки есеси муғдарында жыйым өндириледи.

Ɵзбекстан Республикасы Министлер Кабинети жанындағы Тәлим сыпатын бақлаў мәмлекетлик инспекциясы арзаны қабыл қылғаннан соң 10 күн ишинде ҳүжжетлердиң лицензия талаплары ҳәм шәртлерине муўапықлығын үйренеди, унамлы қарар қабыл қылынғанда электрон лицензияны генерация қылады, электрон санлы ымза менен тастыйықлап, мәмлекетлик бажы төленгеннен кейин мәмлекетлик хызметлер орайына ямаса Бирден-бир интерактив мәмлекетлик хызметлер порталы арқалы лицензия даўагерине усыныс етеди.

Ɵзбекстан Республикасы Министлер Кабинети жанындағы Тәлим сыпатын бақлаў мәмлекетлик инспекциясы Мектепке шекемги билимлендириў министрлиги ҳәм Халық тәлими министрлиги менен биргеликте ҳәр бир район (қала) мектепке шекемги ҳәм халық тәлими бөлимлеринен тәжирийбели қәнийгелерди жәмлеген ҳалда, мәмлекетлик емес тәлим хызметлерин көрсетиў тараўындағы искерликти лицензиялаў ушын экспертиза жуўмақларын таярлаў ҳәм лицензия даўагерине усыныс етиў процессин шөлкемлестиреди.

Лицензия бериўди бийкар етиў ҳаққында қарар қабыл қылынған жағдайда, 1 күн мүддет ишинде лицензия даўагерине бийкар етиў себеплери ҳәм лицензия даўагери оларды сапластырған ҳалда қайта көрип шығыў ушын арза бериўи мүмкин болған мүддет көрсетилген билидиргини мәмлекетлик хызметлер орайлары ямаса Бирден-бир интерактив мәмлекетлик хызметлер порталы арқалы жоллайды.

Лицензия бериў ямаса лицензия бериўди бийкар етиў ҳаққындағы қарар лицензия даўагериниң арзасы алынған күннен баслап 10 күннен артық болмаған мүддетте қабыл қылынады.

Мәмлекетлик емес билимлендириў хызметлерин көрсетиўши юридикалық шахсларға искерликти әмелге асырыў ҳуқуқына лицензия бергенлик ушын Ɵзбекстан Республикасы нызам ҳүжжетлеринде белгиленген ең кем айлық ис-ҳақының он есеси муғдарында мәмлекетлик бажы өндириледи.

 

Д. Куденов

Қанлыкөл районы Мәмлекетлик хызметлер орайы бас қәнигеси

скачать dle 10.6фильмы бесплатно



  • 1-12-2019, 13:47 |
  • 305