Дәри-дәрмақларды ҳәм медициналық буйымларды усақлап сатыўды лицензиялаў тәртиплери

Мәмлекетимиз тәрепинен исбилерменлик ҳәм киши бизнес субъектлерине бюрократиялық тосықларды сапластырыў, заманагөй талапларға жуўап бермейтуғын рухсат бериў ҳәм лицензиялаў тәртип-қағыйдаларын, статистикалық, финанс ҳәм салық есабатларын түптен қысқартыў, оларды усыныс етиў механизмлерин жетилистириў арқалы қолайлы исбилерменлик орталығын жаратыў, олар искерлигине кең еркинлик бериў ис-иләжлары избе-излик пенен әмелге асырылып келинбекте.    Атап айтқанда, исбилерменлик субъектлериниң искерлигин лицензиялаў ҳәм рухсат бериў  түриндеги ҳүжжетлердиң дерлик көпшилигин  Мәмлекетлик хызметлер агентлиги оның қурамындағы қала ҳәм районларда жайласқан мәмлекетлик хызметлер орайлары арқалы әмелге асырылыўы жолға қойылды.

Өзбекстан Республикасы Министрлер Кабинетиниң 2017-жыл 12-майдағы 284-санлы «Фармацевтика искерлигин лицензиялаў тәртибин жәнеде жетилистириў илажлары ҳаққында»ғы Қарары менен тастыйықланған «Дәри-дәрмақларды ҳәм медициналық буйымларды усақлап сатыўды лицензиялаў тәртиби ҳаққындағы Реже»ге муўапық, дәри-дәрмақларды ҳәм медициналық буйымларды усақлап сатыўды лицензиялаў тәртиби төмендегише белгиленген:

 Дәри-дәрмақларды ҳәм медициналық буйымларды усақлап сатыўды лицензиялаў Мәмлекетлик хызметлер орайлары яки  Өзбекстан Республикасы бирден бир интерактив  Мәмлекетлик хызметлер көрсетиў порталы арқалы әмелге асырылады.

Юридик шахс штатында фармацевтика бойынша жоқары мағлыўматқа ийе болған кеминде бир хызметкер болыўы тийис.

Лицензиат тәрепинен дәрихана филиалы ашылыўында юридик шахс штатында кеминде бир хызметкер фармацевтика бойынша жоқары мағлыўматқа ямаса ассистент (жәрдемши) қәнигелиги бойынша орта  мағлыўматқа ийе болған дәрихана филиалы баслығын болыўы тийис.

Хызметкерлер реестрына киритилмеген шахлардан дәрихана ҳәм дәрихана филиалы хызметкерлери қурамын қәлиплестириў,

Белгиленген тәртипте дәрихана ҳәм ямаса дәрихана филиалы баслығы тәжирийбесин асырыў;

Дәри-дәрмақларды ҳәм медициналық буйымларды усақлап сатыўға арналған, өзине мүлк ҳуқықы менен ямаса басқа нызам тийкарында тийисли болған имараттың болыўы;

Белгиленген талапларға муўапық материаллық техникалық базасының болыўы;

Дәрихана баслығы өзгериўи, дәрихана филиалы баслығының өзгериўи, дәрихана филалы жабылыўы ҳаққында усы жағдай жүз бергеннен кейин 10 күн мүддетте лицензиялаўшы органға жазба рәўиште хабарнама усыныў;

Лицензия алыў ушын талап етилетуғын хүжжетлер:

-шахсты тастыйықлаўшы ҳүжжет (Паспорт) анкетасы электрон тәризде толтырылады.

-юридик шахслар ушын-юридик шахстың аты ҳәм мүлкшилик формасы, оның жайласқан орны (почта мәнзили) банктиң аты ҳәм банктеги есап бети;

-лицензияланадатуғын бағдары ҳәм искерлигинде көрсетилип өтилген бағдары әмелге асырылатуғын мүддет ҳәм лицензия алыўшының электрон мәнзили ҳәм басқа реквизитлар

-дәри-дәрмақларды ҳәм медициналық буйымларды усақлап сатыў әмелге асырылатуғын орын мәнзили;

-дәрихана (дәрихана филиалы) баслығы ҳаққында мағлыўматлар;

-лицензия искерлиги әмелге асырылатуғын имарат ҳәм ханалар ҳаққында мағлыўматлар;

-қайта дизимнен өткергенде алдын алынған лицензиясы бойынша мағлыўматлар;

-материаллық техникалық базасы, әсбап-үскенелер, басқа техник үскенелер ҳәм хызметкерлердиң барлығы ҳақкында мағлыўматлар.

Лицензия берилгени яки оның әмел етиў мүддети узайтырылғаны ушын лицензия алыўшы лицензиат тәрепинен ең кем ис ҳақының он есеси муғдарында мәмлекетлик бажы өндириледи.

Лицензия бериў ҳаққындағы арзаны көрип шыққанлығы ушын ең кем ис ҳақының 2 есеси муғдарында жыйым өндириледи. Дәриханалар филалы ашылыўы менен бир ўақытта лицензия бериў ҳақкындағы арза берилген тәғдирде белгилеген жыйым ҳәр бир филиал ушын өндириледи.

Дәри-дәрмақларды ҳәм медициналық буйымларды усақлап сатыў ушын лицензия 5 жыл мүддетке бериледи.

Жуўмақластырып айтқанда, Мәмлекетимизде қабыл етилип атырған нызам ҳәм қарарлардың бәри исбилерменлер ҳуқықларының үстинлиги принципине әмел етилгенлиги, қаншадан-қанша исбилерменлик субъектлериниң рухсат бериў өзгешелигине ийе болған ҳүжжетлерди алыўда өз қәрежетлерин ҳәм ең бириншиден ўақытларын тежеўге имканият жаратып, тиккелей исбилерменлик пенен шуғылланыўына жәнеде кең имканият жаратылғанлығын көрсетеди.

 

А.Базарбаев,

Нөкис қаласы Мәмлекетлик хызметлер орайы бөлими баслығы 

скачать dle 10.6фильмы бесплатно



  • 30-11-2019, 16:20 |
  • 299