Талабан: КАМАЛОВ МУРАТ РУСЛАНОВИЧ ҳаққында

Сиясий пикирлеўдиң жаңа әўладына даўыс бериўди усыныс етемиз.

Талабан:   КАМАЛОВ  МУРАТ РУСЛАНОВИЧ  ҳаққында

Талабан: КАМАЛОВ  МУРАТ РУСЛАНОВИЧ  ҳаққында

 

Талабан төмендеги басламалар менен шықпақта

Өзбекстан Халық демократиялық партиясынан Өзбекстан Республикасы Олий Мажлиси Нызамшылық палатасы депутатлығына талабан етип көрсетилген.

Мурат Русланович КАМАЛОВ 1991-жылы Қарақалпақстан Республикасы, Нөкис қаласында туўылған. Мағлыўматы жоқары. 2015-жылы Нөкис мәмлекетлик педагогикалық институтын тамамлаған. Қәнигелиги –  тарийх оқытыў методикасы (педагог). Өзбекстан ХДП ағзасы. Шаңарақлы,  еки перзенти бар.

Мийнет жолын 2015-жылы Қарақалпақстан Республикасы Мәденият ҳәм спорт ислери министрлиги Нөкис қалалық бөлиминде қәниге лаўазымынан баслаған. 2017-2018-жылларда Өзбекстан жаслар аўқамы Қарақалпақстан Республикалық Кеңесиниң Исбилерменлик,    фермерликти раўажландырыў ҳәм бәнтликке көмеклесиў бөлими бас қәнигеси, 2018-2019-жылларда Спорт, саламатлық ҳәм жас шаңарақлар менен ислесиў бөлими баслығы болып ислеген.

2019-жылдан Өзбекстан жаслар аўқамы Қарақалпақстан Республикалық Кеңесиниң  Дене-тәрбия ҳәм спорт бөлими баслығы лаўазымында ислеп келмекте.

Мийнет жолы даўамында оның басламасы менен 2018-2019-жылларда “Жаслар спорт ҳәптелиги” шеңберинде бәрше қала ҳәм районларда спорт жарыслары шөлкемлестирилип, көплеген жаслар қамтып алынған.

Сондай-ақ, Өзбекстан жаслар аўқамы Қарақалпақстан Республикасы Кеңеси жанында “Саламатлық сақшылары” жас кеўиллилер топары шөлкемлестирилди. “Жаслар – саламат турмыс тәризи тәрепдары” жойбары шеңберинде аймақта мыңлап илажлар, ушырасыў, дөңгелек стол сәўбети, үгит-нәсият акциялары  шөлкемлестирилген ҳәм де оларға 220 мыңнан зыят жаслар қамтып алынған.

Мурат КАМАЛОВтың Сайлаўалды бағдарламасы Өзбекстанда социал-демократиялық мәмлекет  қурыўда социаллық әдиллик, теңлик, бирлик принциплерине сүйенеди.

 

 Сол мақсетте талабан төмендеги басламалар менен шықпақта:  

  1. Ең кем ис ҳақы, пенсия, стипендия, напақа ҳәм басқа социаллық төлемлер муғдарын турмыс кешириў имканияты менен сәйкеслигин тәмийинлеў;
  2. Күнделик зәрүр товарлар, хызметлер, атап айтқанда, үй-жай коммуналлық хызметлер ушын төлемлерди халықтың реал дәраматлары тийкарында белгилеў;
  3. Халықтың кем тәмийинленген қатламларына медициналық хызметлер көрсетиў, дәри-дәрмақлар, протез-ортопедия қураллары ҳәм басқа да медициналық-социаллық жәрдемлерди жеңилликли усыныс етиў арқалы раўажландырыў;
  4. Бәрше ушын сапасы кепилленген билимлендириў системасын енгизиў. Мәмлекетлик грант тийкарындағы тәлим орынларын кеңейтиў, төлемли-шәртнама тийкарында билим алатуғын кем тәмийинленген шаңарақлардың перзентлерине жеңиллетилген тәлим кредитлери ҳәм субсидияларын усыныс етиў системасын жолға қойыў;
  5. Пуқаралардың тийкарғы турмыслық зәрүрликлери ушын мүнәсип ис ҳақы төленетуғын турақлы жумыс орынлары менен тәмийинлеў.

Мурат Русланович КАМАЛОВ 8-Ақманғыт сайлаў округинен Өзбекстан Республикасы Олий Мажлиси Нызамшылық палатасы депутатлығына талабан етип дизимге алынған.

 

Реклама ҳуқықы тийкарында

 

скачать dle 10.6фильмы бесплатно



  • 28-11-2019, 11:15 |
  • 686