БМШның Арал бойындағы жаңа бағдарламасы

БМШның Арал бойындағы жаңа бағдарламасы

Бирлескен миллетлер шөлкеми Арал бойындағы экологиялық кризис ақыбетлерин кемейтиў бойынша қоспа бағдарламаны иске түсирмекте, бул ҳаққында daryo.uz жазды.
БМШның инсан қәўипсизлиги Мақсетли фонды тәрепинен қаржыландырылатуғын ҳәм БМШ ның агентликлери әмелге асырып атырған «Арал бойы аймағы ушын Инсан қәўипсизлиги бойынша көпшерикли фондын шөлкемлестириў арқалы Арал кризисинен зыян көрген халықтың турмыс жағдайын жақсылаў» қоспа бағдарламасы үш жыл даўамында үш үлгили районларында экономикалық, социаллық ҳәм экологиялық қәўипсизликти жақсылаўға көмеклеседи.
БМШның Арал бойындағы жаңа бағдарламасы

Бул фонд есабынан Қарақалпақстанда буннан алдын, 2012-2016-жыллары әмелге асырылған басламалар тәжирийбесинен келип шыққан ҳалда, Қарақалпақстан Республикасы Министрлер Кеңеси жаңа Қоспа бағдарламаны әмелге асырыў ушын ең үлкен экологиялық қәўип аймақларында жайласқан ҳәм халқы 123 мыңнан көп болған Мойнақ, Тахтакөпир ҳәм Шоманай районларын үлгили аймақлар деп белгилеўди усынды.
Усы күнлери жергиликли халық ушын таныстырыў семинарлары арқалы фермерлер, аўыл пуқаралары жыйынлары жетекшилери, ҳәр қыйлы мекемелер ўәкиллери сондай-ақ, жеке исбилерменлер қатнасыўында бағдарламаны орынларда иске түсириў процесси әмелге асырылмақта.
БМШның Арал бойындағы жаңа бағдарламасы

Семинар қатнасыўшыларына Инсан қәўипсизлиги концепциясына муўапық жумыстын ең әҳмийетли тәреплери, оны Арал теңизи қурыўының унамсыз тәсири ең көп сезилип атырған Қарақалпақстанда қолланылыў келешеги ҳаққында мағлыумат берилмекте.
Сөйлесиўлер даўамында ҳәр бир район ушын өзине жараса «машқалалар шежиреси»н қәлиплестирип, үлгили аймақларда экологиялық жағдай нәтийжесинде келип шыққан тийкарғы машқалаларды анықлаў ушын жергиликли халық пенен интер-актив додалаўлар алып барылмақта. Солай етип, келешекте, аймақтағы қурамалы экологиялық шәраятларды есапқа алып, инсан қәўипсизлиги Концепциясы шеңберинде орынлардағы раўажланыў режелери ислеп шығарылады.
Соның менен бирге, БМШ бағдарламаларының әҳмийетли мақсетлеринен және бири – Арал бойы аймағында турақлы социаллық-экономикалық раўажланыў, экологиялық тең салмақлылықты сақлаў, флора ҳәм фаунаны қайта тиклеў ушын Көпшерикли фондын дүзиўде көмеклесиўден ибарат.

Фото: БМШ
скачать dle 10.6фильмы бесплатно



  • 15-01-2017, 12:25 |
  • 948