Артықша әўерегершиликлерге шек қойыўымыз тийис

Артықша әўерегершиликлерге шек қойыўымыз тийис

 

Бәршемиздиң хабарымыз бар, журтбасшымыз тәрепинен халқымыздың жасаў шәраятын жақсылаў ҳәм оларға мәмлекетлик ҳызметлер көрсетиў тараўына байланыслы бир қанша пәрман ҳәм қарарлар қабыл етилмекте. Өзбекстан Республикасы Президентиниң 2019-жыл 15-февралдағы ПҚ-4193-санлы “Мәмлекетлик хызметлер көрсетиў миллий системасын жәнеде комплекс раўажландырыў иләжлары ҳаққында”ғы қарары қабыл етилди. Бул қарардың 6-бәнтинде 2019-жыл 1-августтан баслап мәмлекетлик органлар ҳәм басқа шөлкемлер тәрепинен физикалық шахслардан жыйналып барылатуғын пенсия дәптершелери, салық ҳәм басқа мәжбүрий төлемлер бойынша қарызы бар яки жоқлығы ҳаққындағы мағлыўматлар, салық төлеўшиниң есапқа қойылғанлығы ҳаққындағы гүўалықлар, төленген дәраматлар ҳәм физикалық шахслардан алынатуғын дәрамат салығын услап қалынған суммалары ҳаққындағы мағлыўматларды талап етиў қадаған етилген. Соның менен бирге, буннан былай барлық мәкеме ҳәм шөлкемлер усы бәнтте нәзерде тутылған ҳүжжетлерди Мәмлекетлик салық хызмети органларынан, АКБ «Халқ банки», Өзбекстан Республикасы Финанс министрлиги жанындағы бюджеттен тысқары Пенсия қорынан электрон өзара байланыс арқалы тек ғана мәкемелер ара интеграциялаў платформасы арқалы усынылыўы айтылған.

Бирақ, 1-августтан баслап айырым мәкемелер бул қарардың орынланыўына әмел қылмай пуқаралардан усы ҳүжжетлерди талап етиў жағдайлары көп ушыраспақта ҳәм усы ҳүжжетлерди Мәмлекетлик хызметлер орайлары арқалы алыўын айтып бул болса өз гезегинде пуқаралардың артықша әўерегершиликлери ҳәм артықша ўақытларын сарыплаўға себеп болмақта.

Жоқарыдағыларды есапқа алып, Ҳүрметли Президентимиздиң қарарының орынланыўына ҳәм пуқараларымыздың наразылықларын келтирип шығармай халқымызға хызмет көрсетиўге шақырып қаламыз.

 

Абсали Патшаханов,

 Нөкис районы Мәмлекетлик хызметлер орайы

бөлим баслығы

 

скачать dle 10.6фильмы бесплатно



  • 25-11-2019, 19:58 |
  • 349