Жақын күнлерде Россияға баратуғынлар дыққатына

Жақын күнлерде Россияға баратуғынлар дыққатына

 

 Россия Федерациясы президентиниң «Россияда футбол бойынша 2018-жылғы жәҳән чемпионаты ҳәм 2017-жылғы ФИФА Конфедерациялар кубогин өткериў дәўиринде күшейтилген қәўипсизлик шараларын қоллаў тәртиплери ҳаққында»ғы пәрманына муўапық усы илажлар өткерилетуғын ўақытта шет ел пуқараларын миграциялық есапқа (дизимге) алыў тәртиби өзгертиледи. Бул ҳаққында kun.uz Өзбекистан Республикасы Сырткы ислер министрлигиниң мағлыўматына тийкарланып жазды.

 

 Пәрманға муўапық Россияның 4 қаласы – Москва, Санкт-Петербург, Сочи ҳәм Казаньда 2017-жылдың 1-июнынан 12-июлына шекем, сондай-ақ, 2018-жылдың 25-майынан 25-июлына шекем Москва, Санкт-Петербург, Волгоград, Екатеринбург, Казань, Калининград, Нижний Новгород, Ростов, Самара, Саранск ҳәм Сочида шет ел пуқараларын миграциялық есапқа қойыў мүддети Россияға келген күнинен баслап бир суткаға шекем қысқартылады.

 

«Ўақтынша болып турыў (ўақтынша ямаса турақлы жасаў) ушын келген шет ел пуқараларын ҳәм пуқаралығы болмаған шахсларды болып турыў орнына есапқа қойыў ямаса жасаў орнында дизимге алып олардың болып турыў орнына ямаса орнына жетип келген күнинен баслап бир сутка ишинде Россия Федерациясы нызамшылығында нәзерде тутылған ҳүжжетлерди қабыллаўшы тәреп ямаса туўрыдан-туўры шет ел пуқарасы ямаса пуқаралығы болмаған шахслар тәрепинен усынылғаннан кейин, Россия Федерациясы Ишки ислер министрлигиниң тийисли аймақлық органы тәрепинен амелге асыралады», - деп жазылған ҳүжжетте.

 

«Өзбекистан Республикасы пуқаралары усы өзгерислерди әлбетте есапқа алыўлары шәрт. Себеби, өз ўақтында миграциялық есапқа қоймаў административлик тәртиплерди бузғаны деп баҳаланыўы ҳәм кейин ала Россия аймағына кириўге шеклеў қойылыўына алып келиўи мүмкин», - деп ескертеди Өзбекистан Сыртқы ислер министрлиги баспасөз хызмети. 

 

Фото: kun.uz

скачать dle 10.6фильмы бесплатно



  • 1-06-2017, 18:22 |
  • 524