Тахтакөпирде исбилерменлерге ҳәм пуқараларға мәмлекетлик хызметлер көрсетилмекте

 

Тахтакөпирде исбилерменлерге ҳәм пуқараларға мәмлекетлик хызметлер көрсетилмекте

 

2019-жыл 18-ноябрь күни Тахтакөпир районы «Ғәрезсизлик» мәкан пуқаралар жыйынында жайласқан 17-санлы балалар музыка ҳәм көркем-өнер мектебинде Қарақалпақстан Республикасы Жоқарғы Кеңесиниң баслығы М.Т.Ерниязовтың басшылығында Кегейли, Шымбай, Қараөзек ҳәм Тахтакөпир районларының исбилерменлери менен  көшпели қабыллаў болып өтти.

Ушырасыўда районлардан қатнасқан исбилерменлер өзлериниӊ шешилмей атырған машқалалары бойынша мүрәжат етип, оларға тийисли шөлкемлер тәрепинен сол жердиӊ өзинде жуўаплар алып, мүрәжатлерди көрип шығыў бойынша тийисли тараў басшыларына тапсырмалар берилди.

Тахтакөпирде исбилерменлерге ҳәм пуқараларға мәмлекетлик хызметлер көрсетилмекте

 

Сондай-ақ, көшпели қабыллаўда Мәмлекетлик хызметлер агентлиги Қарақалпақстан Республикасы басқармасы баслығының орынбасары Е.М.Досанов қатнасып, тараўға байланыслы сораўларға жуўаплар берилди.

Көшпели қабыллаў даўамында Тахтакөпир районы Мәмлекетлик хызметлер орайы қәнигелери тәрепинен пуқаралар ҳәмде исбилерменлик субъектлерине көшпели тәртипте мәмлекетлик хызметлер көрсетилди.

Көшпели хызметлер даўамында пуқаралар ҳәм исбилерменлик субъектлерине 70 тен аслам мәмлекетлик хызметлер көрсетилип, көрсетилген хызметлерге пуқаралар ҳәм исбилерменлер өз миннетдаршылықларын билдирди.

Сондай-ақ, орай хызметкерлери тәрепинен бүгинги күнде орайда көрсетилип атырған хызмет түрлери ҳәмде тараўға байланыслы қабыл етилип атырған норматив-ҳуқықый ҳүжжетлердиӊ мазмун-мәниси бойынша кеӊ түрде түсиник жумысларын алып барып, буклет ҳәм флаерлер тарқатылды.

 

Тахтакөпир районы Мәмлекетлик хызметлер орайы

скачать dle 10.6фильмы бесплатно



  • 19-11-2019, 15:56 |
  • 364