Тахтакөпир районында исбилерменлер менен көшпели қабыллаў өткерилди

Өзбекстан Республикасы Президентиниң 2019-жыл 14-май күнги “Исбилерменлик жумысын қоллап-қуўатлаў ҳәм қорғаў системасын түп-тийкарыннан жетилистириў илажлары ҳаққында” ПП-5718-санлы Пәрманы тийкарында Ⱪарақалпақстан Республикасында Исбилерменликти қоллап-қуўатлаў ҳәм олардың нызамлы мәплерин қорғаў бойынша бир қатар жумыслар әмелге асырылмақта. Өзбекстан Республикасы Президентиниң 2019-жыл 7-ноябрь күни Жеке исбилерменлик ҳәм киши бизнести жәнеде раўажландырыў мәселелери бойынша бағышланған видеоселектор мәжилисинде берилген тапсырмалардың орынланыўы бойынша Жоқарғы Кеңес баслығы М.Ерниязов, Министрлер Кеңеси баслығы Ⱪ.Сариев басшылығында Тахтакөпир районында 18-ноябрь күни көшпели қабыллаў болып өтти.

Тахтакөпир районында исбилерменлер менен көшпели қабыллаў өткерилди

 

Көшпели қабыллаўда Министрлер Кеңеси Баслығының орынбасары Б.Хабибуллаев, Өзбекстан Республикасы Бас ўазириниң Қарақалпақстан Республикасындағы Исбилерменлер мүрәжатларын көрип шығыў қабыллаўханасы баслығы Р.Айтмуратов, Тахтакөпир районы ҳәкими Ж.Адилов,  Мәмлекетлик салық басқармасы баслығы Қ.Халмуратов, Орайлық банк ҚР Бас басқармасы баслығы Б.Алланиязов ҳәм Тахтакөпир, Ⱪараөзек, Шымбай ҳәм Кегейли районларынан келген 100 ден аслам исбилерменлер қатнасты.

Ушырасыў даўамында Шымбай районынан келген 7 исбилерменниң, Караөзек районынан келген 1 исбилерменниң, Тахтакөпир районынан келген 4 исбилерменниң мүрәжатлары тыңланып, тийисли министрлик, шөлкемлерге тапсырмалар берилип өз шешимин тапты. 

Тахтакөпир районында исбилерменлер менен көшпели қабыллаў өткерилди

 

Буннан тысқары, исбилерменлер өзлерин қызықтырған сораўларына тийисли қәнигелер тәрепинен жуўаплар алды.

Ушырасыўда Тахтакөпир районынан өз мүрәжаты менен қатнасқан “Төрежан” ЖШЖ баслығы Кеңесбай Пирлепесовтың бос турған имаратты өзиниң есабына өткерип бериў бойынша мүрәжатын 3 күнниң ишинде шешип бериў тапсырылды.

Турымбай шығанақ көшесиндеги ески нанбайхананы өз есабына өткерип бериўди сораған “Тахта Мир Пласт” ЖШЖ баслығы Мийирбек Қурақов,  Дослық гүзары бойынан халыққа хызмет көрсетиў мақсетинде имарат қурыў ушын жер орнын  сораған жеке исбилермен Бийбизура Султамуратова ҳәм «Амет-Тахта» фермер хожалығы баслығы Жаңабай Исмамутовтың  фермер хожалығына техникалар алыў бойынша 620 млн сумлық кредит ажыратыў мәселелери бойынша тийисли министрлик ҳәм шөлкемлерге тапсырмалар берилди.

Р.Данеғулов

Тахтакөпир районындағы Өзбекстан Республикасы Бас министриниң Исбилерменлер мүрәжатларын көрип шығыў қабыллаўханасы баслығы

скачать dle 10.6фильмы бесплатно



  • 19-11-2019, 12:20 |
  • 418