Бас министр қабыллаўханалары исбилерменлердиң жақын жәрдемшиси

 

Бас министр қабыллаўханалары исбилерменлердиң жақын жәрдемшиси

 

Ҳүрметли Президентимиздиң басламалары менен бугинги күнде елимизде исбилерменликти раўажландырыў ҳәмде исбилерменлерди ҳәр-тәреплеме қоллап-қуўатлаўға үлкен итибар қаратылып келинбекте. Солар тийкарынан Президентимиздиң Пәрманына тийкар Ѳзбекстан Республикасы Бас Министриниң Қабыллаўханалары шѳлкемлестирилген еди. Усы қабыллаўханалар қатарында Хожели районындағы Ѳзбекстан Республикасы Бас Министриниң Исбилерменлер мүрәжатларын кѳрип шығыў қабыллаўханасы исбилерменлердиң жақын кѳмекшиси ҳәмде мәсләҳатшысы болып келмекте. Қабыллаўханамызға келип түсип атырған исбилерменлердиң мүрәжатлары қысқа мүддетлерде ѳзиниң унамлы шешимин таппақда. Атап айтатуғын болсақ Хожели районы аймағында жумыс алып барыўшы жеке тәртиптеги исбилермен Жолаева Бағила Сарсенбаевна ѳзиниң ѳнерментшилигин кеңейтип еледе раўажландырыў ушын зәрүр әсбаб-үскинелерин сатып алыў мақсетинде комерциялық банктен  30 млн. сўм муғдарында имтиязлы кредит ажыратыўда әмелий жәрдем сорап мүрәжат қылған еди. Жолаева Бағиланың мүрәжаты исши топар менен биргеликте үйренип шығылып, Агро банк Хожели филиалы тәрепинен сораған кредит пуллары толық ажыратылды. Жолаева Бағила ҳәзирги күнде жумысларын жолға қойып алды ҳәмде еки адамды жумыс пенен тәмийинледи. «SIFATLI PRIMA» жуўапкершилиги шеклеген жәмийети баслығы Нурымбетов Миркамил Ѳмирбаевич ѳзине тийисли кәрханасында пахтаны қайта ислеў цехын иске түсириў ушын  электр тармағына жалғап бериў бойынша мүрәжат қылған еди. Нурымбетов Миркамилтиң мүрәжаты тийисли мәкеме басшылары менен биргеликте үйренип шағылып қысқа мүддетде электр тармағына пайдаланыўға тайяр ҳалда жалғап берилди. «SIFATLI PRIMA» жуўапкершилиги шеклеген жәмийети бүгинги күнде жумысын толық жолға қойып алды ҳәмде халқымызға сапалы хызметлерин усынып келмекте.

 

Хожели районындағы Ѳзбекстан Республикасы Бас Министриниң Исбилерменлер мүрәжатларын кѳрип шығыў қабыллаўханасы

скачать dle 10.6фильмы бесплатно



  • 19-11-2019, 10:48 |
  • 277