Борий Алихонов: Өткен дәўир ишинде Арал теңизи 29 метрге азайды

Борий Алихонов: Өткен дәўир ишинде Арал теңизи 29 метрге азайды

 

 Халық аралық Пресс-клубтың «Экология ҳәптелиги-2017» ашылыў мәресимине арналған сессиясында бүгинги күндеги ең үлкен машқалалардың бири – таза ишимлик суўы екени атап өтилди. Бул ҳаққында  kun.uz басылымы хабар бермекте

 

Жыйналыста Арал темасы көтерилди. Олий Мажлис Нызамшылық палатасы спикери орынбасары Борий Алихановтың айтыўынша, өткен дәўир ишинде Арал теңизи 29 метрге түскен. Ол жердеги 20 эндемик балық түринен биреўи де аман қалмаған. Арал теңизиниң орнына Аралқум пайда болған. Министрлер Кабинетиниң қарарына муўапық, Арал машқаласы бойынша 4 миллиард 8 миллионлық жойбар әмелге асыралады. БМШ шафелигинде Халық аралық Конвенция ислеп шығылады ҳәм қабылланады.

 

БМШ Раўажланыў Бағдарламасының Өзбекистандағы ўәкили ўазыйпасын атқарыўшы Фарид Карахановтың айтыўынша, соңғы он жыллықларда экологияға үлкен зыян жеткерилген. Усыған муўапық, БМШ Раўажланыў Бағдарламасы үш жөнелис бойынша жумыс алып барыўды өз алдына мақсет еткен:

1.Климат өзгериўи;

2.Тәбийий ресурсларды сақлап қалыў;

3.Тәбийий апатлардың алдын алыў.

 

Буннан тысқары, өсимлик ҳәм ҳайўанат әлемине байланыслы ҳүжжетлер топламы таярланып атырғаны, бул мәселе бойынша Нызамшылыққа өзгерислер киритилиўи атап өтилди.

скачать dle 10.6фильмы бесплатно



  • 31-05-2017, 16:56 |
  • 382