Физикалық шахслар ушын бажыхана төлемлерин өндириўдиң әпиўайыластырылған тәртиби енгизиледи

 

“Физикалық шахслар тәрепинен жеке мтүжлиги ушын товарларды алып өтиў тәртибин жәнеде жетилистириў ҳаққында” Президент қарары (ПҚ–4508-сан, 07.11.2019-ж.) қабыл етилди.

Қарарға муўапық, 2020-жыл 1-январьдан:

 -  коммерициялық емес мақсетлер ушын Өзбекстанның Мәмлекетлик шегарасынан өтиў пунктлери арқалы қол жүгинде ҳәм алып барылып атырған багажында товарлар алып кирилип атырған физикалық шахслар ушын, сондай-ақ, физикалық шахс атына халықаралық почта ҳәм курьерлик жөнелтпелери арқалы келетуғын товарларына нызам ҳүжжетлеринде белгиленген бажыхана бажы, қосылған қун салығы ҳәм акциз салығы орнына бирден бир бажыхана төлемин төлеўди нәзерде тутыўшы бажыхана төлемлерин өндириўдиң әпиўайыластырылған тәртиби енгизиледи;

 -  физикалық шахслар тәрепинен жеке ықтыяжлары мүтәжликлери ушын бажыхана шегарасы арқалы қол жүгинде, алып баратырған багажында, сондай-ақ, почта жөнелтпелери арқалы алып киргизилетуғын ҳайўанатқа тийисли азық-аўқат өнимлеринде ислеп шығарыў орамының мәжбүрий бар екенлиги ҳаққындағы талап орнатылады.

Сондай-ақ, бирден-бир бажыхана төлеми бажыхана төлемлери өндирилмейтуғын товарларды физикалық шахслар тәрепинен республикаға алып кириўдиң шекленген нормаларынан артқан жағдайда, Өзбекстан Республикасы Сыртқы экономикалық искерлик товар номенклатурасы кодынан ҳәм келип шығыў мәмлекетине қарамастан товарлардың бәрше тайпалары бойынша бажыхана қунынан келип шыққан ҳалда, шекленген нормалардан артық бөлегине қарата өндириледи.

 

Қарар менен төмендегилер тастыйықланды:

 -  товардың бажыхана қунынан 30 процент, бирақ ҳәр бир килограммы ушын 3 АҚШ долларынан кем болмаған муғдарда бирден бир төлем ставкасы;

 -  Физикалық шахслар тәрепинен жеке мүтәжликлери ушын алып кирилип атырған товарлар тайпасына кирмейтуғын товарлар дизими.

 

Дерек: https://t.me/huqiqiymalimleme

скачать dle 10.6фильмы бесплатно



  • 9-11-2019, 15:31 |
  • 472