“Көп квартиралы үйлерди басқарыў ҳаққында”ғы Нызамға Президент тәрепинен қол қойылды

 

“Көп квартиралы үйлерди басқарыў ҳаққында”ғы Нызамға  Президент тәрепинен қол қойылды

 

Нызамда көп квартиралы үй, улыўма мал-мүлк усаған түсиниклер ашып берилди. 

Соның менен бирге көп квартиралы үйге тутас жер участкасына ямаса бундай үйдеги улыўма пайдаланылатуғын орынларға ғәрезсиз шығыў жолларына ийе болған еки ҳәм оннан артық квартиралар жыйындысы көп квартиралы үй есапланады.

Нызамға муўапық, көп квартиралы үйди басқарыў усылы көп квартиралы үйдеги жайлар мүлкдарлардың улыўма жыйналысында белгиленеди.

Көп квартиралы үйди басқарыў төмендегилер тарепинен әмелге асырылыўы мүмкин:

 -  туўрыдан-туўры жайлардың мүлкдарлары тәрепинен;

 -  юридикалық шахс болған басқарыўшы шөлкем тәрепинен ямаса физикалық шахс (жеке тәртиптеги исбилермен) болған басқарыўы тәрепинен шәртнама тийкарында;

 -  бир ямаса тығыз жайласқан бир неше көп квартиралы үйде турақ жайлардың ҳәм жасаў ушын мөлшерленбеген жайлардың мүлкдарларын бирлестириўши үй-жай мүлкдарларының ширкети болған коммерциялық емес шөлкем тәрепинен.

Сондай-ақ, Нызамға көре, улыўмалық мал-мүлк жайларының мүлкдарларына улыўмалық үлесли мүлк ҳуқықы тийкарында тийисли болады.

Егер улыўмалық мал-мүлктиң басқа шахсқа берилиўи ямаса пайдаланыў ушын өткерилиўи басқа мүлкдарлардың өз мүлк ҳуқықларын әмелге асырыўын шеклейтуғын болса, ол басқа шахсқа берилиўи ямаса пайдаланыў ушын өткерилиўи мүмкин емес.

Нызамға көре, Өзбекстан Республикасы Министрлер Кабинети 2020-жыл 1-майға шекем Ташкент қаласының Яккасарай районында, Жиззах ҳәм Марғилан қалаларында көп квартиралы үйлерди басқарыўда усы Нызам нормаларын апробация етиў бойынша ҳуқықый эксперимент өткереди.

Ҳуқықый эксперимент жуўмақлары бойынша 2020-жыл 1-июньге шекем болған мүддетте усы Нызам нормаларын жәнеде жетилистириў ҳәм оны республиканың басқа аймақларында қоллаў ҳаққында Нызамшылық палатасына усыныс киргизиледи

Бул Нызам 2020-жыл 1-августтан баслап күшке киреди.

 

Дерек: @huqiqiymalimleme

скачать dle 10.6фильмы бесплатно



  • 9-11-2019, 15:07 |
  • 867