Өзбекистан Республикасы Олий Мажлиси Сенатының оныншы улыўма мәжилисинде қандай мәселе қаралады?

Өзбекистан Республикасы Олий Мажлиси Сенатының оныншы улыўма мәжилисинде қандай мәселе қаралады?

 

 2017-жылдың 22-май күни Өзбекистан Республикасы Олий Мажлиси Сенаты Кенгашиниң мәжилиси болып өтти.

 Мәжилисти Олий Мажлис Сенатының Баслығы Н.Йўлдошев алып барды.

Кенгаш Өзбекистан Республикасы Олий Мажлиси Сенатының оныншы улыўма мәжилисин усы жылдың 27-май күни Ташкент қаласына шақырыў ҳаққында қарар қабыл етти.

Сенат улыўма мәжилисиниң күн тәртибине елимизде алып барылып атырған реформалардың нәтийжелилигин түп-тийкарынан арттырыўға, 2017-2021-жылларда Өзбекистан Республикасын раўажландырыўдың бес тийкарғы бағдары бойынша Ҳәрекетлер стратегиясын Халық пенен пикирлесиў ҳәм инсан мәплери жылында әмелге асырыўға байланыслы Мәмлекетлик бағдарламаның орынланыўына қаратылған Өзбекистан Республикасының бир қатар нызамлары киргизилмекте.

«Өзбекистан Республикасы Конституциясының айырым статьяларына өзгерислер киргизиў ҳаққында (80, 93, 108 ҳәм 109-статьяларына)»ғы, «Өзбекистан Республикасының Конституциялық суды ҳаққында»ғы «Суд ҳәм Өзбекистан Республикасы Жоқарғы суды жанындағы суд нызамшылығын демократияластырыў ҳәм либералластырыў және суд системасының еркинлигин тәмийинлеў бойынша изертлеў орайы хызметкерлериниң лаўазым дәрежелери ҳаққындағы режеге өзгерислер менен қосымшалар киргизиў ҳаққында»ғы, «Өзбекистан Республикасының айырым нызам ҳүжжелерине өзгерислер менен қосымшалар киргизиў, сондай-ақ, айырым нызам ҳүжжетлерин өз күшин жойытқан деп табыў ҳаққында»ғы нызамлар усылардың қатарына киреди.

Улыўма мәжилисте сенаторлар бир қатар халықаралық шәртнамаларды ҳәм конвенцияларды ратификациялаў ҳаққындағы нызамларды, соның ишинде, «Өзбекистан Республикасы менен Түркменстан арасындағы старатегиялық шериклик ҳаққындағы Шәртнаманы (Ашхабад, 2017-жыл 6-март) ратификациялаў ҳаққында»ғы Өзбекистан Республикасының Нызамын да қарап шығады.

Соның менен бирге улыўма мәжилистиң күн тәртибине Хорезм ўәлаятының Хийўа қаласы ҳәм Хийўа районының шегараларын өзгертиў, Хийўа қаласын ўәлаяты бойсыныўындағы қалалар қатарына киргизиў ҳаққындағы, сондай-ақ, Жиззақ ўәлаятының Замин ҳәм Зарбдор районларының шегараларын өзгертиў ҳаққындағы мәселе де киргизилди.

Сенаторлар Өзбекистан Республикасы сыртқы ислер министриниң сыртқы экономикалық байланысларды раўажландырыў, шет ел инвестицияларын тартыў бойынша Өзбекистан Республикасы Сыртқы ислер министрлиги тәрепинен әмелге асырылған жумыслар, сондай-ақ, бул тараўдағы перспективалар ҳаққындағы мәлимлемени де тыңлайды.

Улыўма мәжилисте Өзбекистан Республикасы Олий Мажлиси Сенатының ўәкиллигине киретуғын басқа да мәселелер додаланыўы режелестирилмекте.

Оныншы улыўма мәжилиске таярлық көриў ҳәм оны өткериў бойынша Олий Мажлис Сенаты комитетлери ҳәм аппаратының жумысын муўапықластырыў мақсетинде Кенгаш тәрепинен жумысшы топар дүзилди.

 

Өзбекистан Республикасы

Олий Мажлиси Сенатының

Мәлимлеме хызмети

 

Дерек: sovminrk.gov.uz

 

Фото: senat.uz

скачать dle 10.6фильмы бесплатно



  • 25-05-2017, 08:23 |
  • 229