Қарақалпақстанды раўажландырыўдың баслы жөнелислери белгиленди

 

Қарақалпақстанды раўажландырыўдың баслы жөнелислери белгиленди

  

Нөкис қаласында болып өткен жыйналыста Қарақалпакстанды еле де раўажландырыў бойынша бес баслы бағдар белгилеп берилди.

Бириншиси санаатты раўажландырыў, барлық тармақларда ири ҳәм киши ислеп шығарыў кәрханаларын шөлкемлестириўден ибарат.

Екинши баслы жөнелис исбилерменлик гүллеп жаснаўы ушын кең жол ашып бериў ҳәм оны ҳәр тәреплеме қоллап-қуўатлаў.

Аўыл хожалығында алдағы технологияларды кең енгизген ҳалда, ислеп шығарыў көлеми, өнимдарлық ҳәм өним түрлерин кескин арттырыў үшинши баслы жөнелис етип белгиленди.

Төртиншиси – ислеп шығарыў ҳәм адамлар ушын қолайлы болған заманагөй инфрадүзилмени жаратыў.

Аралбойы халқының жасаў шәраяты ҳәм турмыс дәрежесин жақсылаў бойынша кең көлемли жумысларды әмелге асырыў болса бесинши баслы жөнелис сыпатында жәрияланды.

Президент Шавкат Мирзиёев ҳәр бир жөнелисте нәзерде тутылған мәселелерге айрықша тоқталып, олар бойынша белсене ислеў зәрүрлигин атап өтти.

Қарақалпақстанды раўажландырыўдың баслы жөнелислери белгиленди

 

Сондай-ақ, ҳәр бир район ҳәм қалалардың өзине жараса қәсийетлери ҳәм имканиятларынан келип шығып, оларды түрли тараўларға қәнигелестириў бойынша усыныслар берилди.

Атап айтқанда, Қараөзек районы қурылыс материаллары, Беруний, Хожели, Нөкис районлары мийўе-палыз, Тахтакөпир шарўашылық, Шоманай қусшылық, Елликқала жүзимшилик ҳәм туризм, Мойнақ балықшылық ҳәм шарўашылық, Кегейли шарўашылық, боянтамырды қайта ислеў ҳәм қағаз санааты, Қанлыкөл дәнли егинлер ҳәм салы жетистириўге қәнигелестирилиўи атап өтилди.

Қоңыратты нефть-химия санааты ҳәм шарўашылыққа, Шымбайды боянтамырды жетистириў ҳәм қайта ислеўге, Төрткүлди шийша, айна ҳәм азық-аўқат өнимлерин ислеп шығарыўға, Әмиўдәрьяны бақшылық, тоқымашылық ҳәм пиллешиликке, Нөкис қаласын болса фармацевтика ҳәм электротехникаға қәнигелестирип, Тахияташ районын санаат ислеп шығарыў аймағына айландырыў мақсетке муўапық екенлиги атап өтилди.

 

Аўдарма: makan.uz

 

скачать dle 10.6фильмы бесплатно



  • 21-08-2019, 15:51 |
  • 1 367