Президент дүньяқарасын өзгертпеген сектор басшыларын сынға алды

 

Президент дүньяқарасын өзгертпеген сектор басшыларын сынға алды

 

Өзбекстан Республикасы Президенти Шавкат Мирзиёев басшылығында Нөкис қаласында Қарақалпақстанды ҳәр тәреплеме раўажландырыў бойынша жыйналыс болып өтпекте. Онда Қарақалпақстан Республикасы Жоқарғы Кеңеси ҳәм Министрлер Кеңеси, қала ҳәм районлар сектор басшылары, министрлик ҳәм мәкемелер басшылары қатнаспақта.

Барлық тараў ҳәм аймақларда, соннан, Қарақалпақстанда да унамлы сапа өзгерислери тәмийинленбекте. Биринши ярым жыллықта улыўма аймақлық өним 7,2 процентке, аўыл хожалығы өнимлерин ислеп шығарыў 5,4 процентке, қурылыс ислери көлеми 45%ке өскен.

Президент дүньяқарасын өзгертпеген сектор басшыларын сынға алды

 

Президентимиз аймақта еле үлкен машқалалар көплигин, санаатты раўажландырыў, жумыс орынларын көбейтиў бойынша жумыслар жетерли емес екенин атап өтти.

- Бул жерге қол шапалақ ушын емес, ислеў ушын, халқымыз көзин көриў ушын келдим, - деди Шавкат Мирзиеёв. – Дүньяқарасын өзгертпеген сектор басшылары аяғымызға кисен. Жумысқа кирген бир ҳаял-қыздың бахтын көз алдыңызға келтиресиз бе? Жасларды ким жетелейди, дурыс жөнелис береди? Мойнақ мысалында көрдиңиз. Адамлардың көзлеринде «ислесе болады екен-ғой» деген нур бар. Бирақ енди бул тарийх. Ҳәмме районларда усындай өзгерислер керек.

Биринши ярым жыллықта Қарақалпакстанда санаат ислеп шығарыў көлеми сондағы 0,5 процентке өскени, Тахтакөпир, Шоманай, Нөкис, Шымбай, Төрткүл, Кегейли районларында санаат дерлик жоқлығы сынға алынды. Хызмет көрсетиў, исбилерменлик раўажы да төменлиги көрсетип өтилди.

- Соңғы үш жыл даўамында түпкиликли реформалар нәтийжесинде көплеген тараўларды еркинлестирдик, олардың раўажына кесент еткен шеклеўлерди бийкарладық. Қарақалпақстанда да ҳәр бир сектор басшысы шеклеўлерди бийкарлайман, исбилерменлерге хызмет етемен, деген қағыйда, уран менен ислеўи керек, - деп атап өтти Президент.

 

Аўдарма: makan.uz

 

 

скачать dle 10.6фильмы бесплатно



  • 21-08-2019, 14:00 |
  • 1 722