Шавкат Мирзиёев Қубла Қазақстан ўәлаятында Нурсултан Назарбаев пенен ушырасты

Шавкат Мирзиёев Қубла Қазақстан ўәлаятында Нурсултан Назарбаев пенен ушырасты

Өзбекистан Президенти Шавкат Мирзиёев хызмет сапары менен Қубла Қазақстан ўәлаятында болды ҳәм бул жерде Қазақстан Президенти Нурсултан Назарбаев пенен ушырасты. Ушырасыўда Өзбекистан Президентиниң усы жылы март айындағы мәмлекетлик сапары даўамында еки мәмлекет арасында дүзилген келисимлердиң әмелге асырылыў мәселелери сөйлесилди. Бул ҳаққында Қазақстан Президентиниң рәсмий сайты хабар бермекте.
Шавкат Мирзиёев Қубла Қазақстан ўәлаятында Нурсултан Назарбаев пенен ушырасты

Н.Назарбаев өткен ушырасыўдан соң еки мәмлекет арасындағы жумыс бабындағы белсендилик артқанын айтты.
- Усы жылдың биринши шерегинде экономиканың ҳәр қыйлы тараўындағы искерлик өз-ара қарым-қатнастың дәрежеси артты. Соның менен бирге, транспорт-логистика саласын, машинасазлық, сондай-ақ аймақлық шерикшиликти атап өтиўге болады. 2017-жылдың дәслепки үш айында товар айланысы 37% ке өсти, - деп атап өтти Қазақстан Президенти.

Ш.Мирзиёев өз-ара мәпли ушырасыўлар мәмлекетлер арасындағы қарым-қатнастың нәтийжелилигине унамлы тасир тийгизип атырғанын айтып өтти.
- Усы жылдың март айындағы сапардан соң биз биргеликтеги жумыслардың барлық бағдары бойынша жол картасын қабылладық. Министрлер, аймақ басшылары көлеминдеги ушырасыўлар көбейди, - деди Өзбекистан Президенти.
Буннан тысқары, Шавкат Мирзиёев Россия Федерациясына нефть жеткерип бериў бойынша мәселеге қоллап-қуўатлаў көрсеткени ушын Нурсултан Назарбаевқа миннетдаршылық билдирди.

Ушырасыў соңында еки мәмлекет ел басшылары өзбек-қазақ қатнасықларының буннан былай да сақланып ҳәм раўажланыўына исеним билдирди.

Фото: akorda.kz
скачать dle 10.6фильмы бесплатно



  • 29-04-2017, 15:25 |
  • 227