Муса Ерниязов Нөкисте көшпели қабыллаў өткерди

 

Муса Ерниязов Нөкисте көшпели қабыллаў өткерди

 

Усы жылдың 21-май күни Нөкис қаласындағы  Спорт комлексинде Қарақалпақстан Республикасы Жоқарғы Кеңесиниң Баслығы М.Ерниязовтың пайтахтымыз халқы ушын шөлкемлестирилген көшпели қабыллаўы болып өтти. Бул ҳаққында Жоқарғы Кеңестиң Баспасөз хызмети хабар бермекте.

Илажда Нөкис қаласы ҳәкимлиги, министрликлер менен ведомстволар ҳәм ҳуқық қорғаў уйымларының басшылары, сондай-ақ, ғалаба хабар қуралларының ўәкиллери қатнасты.

Ҳүрметли Президентимиздиң басламасы менен турмысымызға енгизилген, яғный барлық дәрежедеги басшылардың халық пенен тиккелей ушырасыўы, әсиресе, көшпели қабыллаўлар арқалы мүрәжат етиўши пуқаралар менен жүзбе-жүз көрисип, олардың машқалалары менен танысыўы халқымыздың әдилликке, мәмлекетке, ертеңги күнге болған исенимин және де беккемлеўге хызмет етпекте. Бир сөз бенен айтқанда, өткерилип атырған усы көшпели қабыллаўлар пуқаралардың машқалаларын шешиўдиң ең нәтийжели жолына айланбақта, десек асыра айтпаған боламыз.

Ашық-айдынлық принципи тийкарында шөлкемлестирилген қабыллаўда пуқаралар тийкарынан турақ-жай, жумыссызлық, жол қурылысы, билимлендириў, медициналық ҳәм коммуналлық хызмет көрсетиў, жеңиллетилген кредит алыў сыяқлы мәселелерде мүрәжат етти.

Көшпели қабыллаўда ҳеш бир мүрәжат итибарсыз қалмады. Атап айтқанда, онда жәми 100 ге шамалас мүрәжатлар көрип шығылып, олардың белгили бир бөлеги сол жердиң өзинде өз шешимин тапты. Ал, ҳәр тәреплеме үйренилиўи ҳәм белгили бир мүддетти талап ететуғын мүрәжатлар бойынша жуўапкер министрликлер менен ведомстволарға ҳәм шөлкемлер басшыларына анық тапсырмалар берилип, олардың орынланыўы қадағалаўға алынды.

Сондай-ақ, усы күни Қарақалпақстан Республикасы Бәнтлик ҳәм мийнет қатнасықлары министрлиги тәрепинен бос жумыс орынлары мийнет ярмаркасы да шөлкемлестирилди.

 

Муса Ерниязов Нөкисте көшпели қабыллаў өткерди

 

Муса Ерниязов Нөкисте көшпели қабыллаў өткерди

 

Қарақалпақстан Республикасы Министрлер Кеңесиниң Мәлимлеме хызмети

Фото: М.Ҳабибуллаев

 

скачать dle 10.6фильмы бесплатно



  • 22-05-2019, 14:34 |
  • 992