Муса Ерниязов басшылығындағы делегация ағзалары Қубла Кореяда болмақта

 

Муса Ерниязов басшылығындағы делегация ағзалары Қубла Кореяда болмақта

 

Әйне пайытта Қарақалпақстан Республикасы Жоқарғы Кеңесиниң Баслығы М.Т.Ерниязовтың басшылығынлдағы делегация ағзалары Қубла Кореяда болмақта. Бул ҳаққында Жоқарғы Кеңестиң Баспасөз хызмети хабар бермекте.

Бәримизге белгили болғанындай, соңғы жылларда елимизде Ҳүрметли Президентимиз Ш.М.Мирзиёевтиң басшылығында сырт елли инвесторлар менен бирге ислесиўди жолға қойыў ҳәм Республикамызға инвестициялар алып кириў бағдарында нәтийжели жумыслар әмелге асырылмақта.

Экономикамызды раўажландырыў, соның ишинде, халқымызды турақлы жумыс орынлары менен тәмийинлеўде ҳәм олардың турмыс шараятын жақсылаўда әлбетте, елимизге киргизилетуғын сырт ел инвестицияларының орны айрықша әҳмийетке ийе.

Делегацияның усы сапар етиў шеңберинде Гванжу қаласының мэри, Гванжу Саўда-санаат Палатасының басшылары ҳәм Корея раўажланыў институтының баслығы менен ушырасыўы ҳәм усы билимлендириў мәкемесиндеги хызметкерлердиң жумысы менен сондай-ақ, «Чоннам» миллий университети емлеўханасындағы шараятлар менен танысыўы белгиленген.

Соның менен бирге, аймағымызға тиккелей сырт ел инвестицияларын тартыў мәселелери бойынша делегацияның «Caris», «Hwachon Plant Construction», «Noroo Paint», «Myung Sung Placon» ҳәм «Сhung Design Group» сыяқлы ири компаниялардың басшылары менен ушырасып, өз-ара бирге ислесиў бойынша бир қатар келисимлерге ерисилиўи де күтилмекте.

 

Қарақалпақстан Республикасы Министрлер Кеңесиниң Мәлимлеме хызмети

 

скачать dle 10.6фильмы бесплатно



  • 14-05-2019, 21:26 |
  • 984