Корея Республикасы Президенти Өзбекстанға келди

 

Корея Республикасы Президенти Өзбекстанға келди

 

Өзбекстан Республикасы Президенти Шавкат Мирзиёевтиң мирәт етиўи бойынша Корея Республикасы Президенти Мун Чжэ Ин 18-апрель күни мәмлекетлик сапар менен елимизге келди.

Ислам Кәримов атындағы Ташкент халықаралық аэропортында жоқары мәртебели мийманды Өзбекстан Республикасы Бас министри Абдулла Арипов күтип алды.

Корея Республикасы Президенти Мун Чжэ Ин Өзбекстан Республикасы Бас министри Абдулла Арипов пенен бирге  Ташкент қаласындағы Инҳа университетине  барып, Өзбекстан ҳәм Қубла Корея менен биргеликте әмелге асырылып атырған телемедицина жойбарының презентациясы менен танысты.

Корея Республикасы Президенти Мун Чжэ Инниң өз сапарын Ташкенттеги Инҳа университетинен баслағанында өзине тән рәмзий мәни бар. Бул университет Қубла Кореяның Өзбекстанда шөлкемлестирилген биринши жоқары билимлендириў мәкемеси болып, мәмлекетлеримиз аарсындағы илимий-әмелий бирге ислесиўдиң айқын нышанына айланды.

2014-жылы жумыс баслаған университет елимизде 85 технологияларын раўажландырыў, Корея Республикасының бул тараўдағы потенциалын елимизде әмелге асырыўға салмақлы үлес қоспақта.

Бул жерде компьютер технологиялары ҳәм программалық инжиниринг және логистика бағдарларында 1 мың 300 ден аслам студент билим алмақта. 2018-жылы университетти питкерген биринши 100 питкериўшиниң  көпшилиги елимиздеги абырайлы компания ҳәм шөлкемлерде жумыс алып бармақта. Питкериўшилердиң бир топары Қубла Корея ҳәм басқа да мәмлекетлердиң жетекши университетлеринде магистратурада оқыўды даўам еттирмекте.

Мун Чжэ Ин университетте оқытыўшы ҳәм студентлер ушын жаратылған шараят пенен танысты. Корея Республикасы басшысына Өзбекстан менен Қубла Корея арасындағы телемедицинаны раўажландырыў бойынша  «Digital Health Care» қоспа жойбары ҳаққында мағлыўмат берилди. Оннан гөзленген мақсет Корея Республикасы тәжирийбесинен пайдаланған ҳалда, Өзбекстанда цифрлы медицинаны раўажландырыў болып табылады.

«Digital Health Care» жойбары Қубла кореялы ҳәм өзбекстанлы шыпакерлер арасында аралықтан турып наўқасларды емлеўде мәсләҳәт ҳәм диагноз алмасыў түринде бирге ислесиўге қаратылған.

Инҳа университети госпиталының экспертлери жойбардың дәслепки нәтийжелерин Өзбекстандағы медицина мәкемелеринен биринде алдын ала үйренип, кейин ала оны басқа да емлеўханаларға енгизеди. Жойбар Рәсмий раўажланыў жәрдеми (Official Development Assistance, ODA) бағдарламасының жәрдеми менен қаржыландырылады.

Жойбар Ташкент медицина академиясы, Ташкенттеги Инҳа университети ҳәм Қубла Кореядағы Инҳа университети госпиталы, «Hanjin Information Systems & Telecommunication Co., Ltd», «U-SHIN C & C Co., Ltd.», « HeSel Co., Ltd.» компаниялары менен биргеликте әмелге асырылады.

Президент Мун Чжэ Ин Корея Республикасы менен Өзбекстан арасында жолға қойылып атырған бул жаңа бағдар мәмлекетлеримиздиң бирге ислесиўин беккемлеўде үлкен әҳмийетке ийе екенин айрықша атап өтти.

Президент Шавкат Мирзиёев еллеримиздиң бирге ислесиўин барлық тараўлардың қатарында медицина бағдарында да раўажландырыўға айрықша итибар қаратпақта. Өзбекстанда Қубла Кореяның денсаўлықты сақлаў системасының лицензиялары тән алынған, шыпакерлеримиз бул жерде кең көлемли жумыс алып бармақта. Цифрлы медицина тараўында Қубла Кореяның имканиятлары ҳәм Өзбекстанның бул бағдарға үлкен қызығыўшылығы тәреплер арасында бирге ислесиўди буннан былай да беккемлеў, халықларымыздың турмыс сапасын арттырыўға хызмет ететуғынын исеним менен айтыў мүмкин. Мәмлекетлеримиз «төртинши санаат революциясы» дәўиринде стратегиялық шериклик сыпатында бирге ислесиўди даўам еттиреди, деди Мун Чжэ Ин.

Президент Қубла Корея ҳүкиметиниң бул жойбарға белсене қатнасатуғынын атап өтип, жаңа бағдар мәмлекетлеримиздиң медицина тараўында бирге ислесиўин раўажландырыўға мүнәсип үлес қосатуғынына исеним билдирди.

Сапар етиўдиң тийкарғы ўақыялары 19-апрельге белгиленген.

Мәмлекет басшылары Көксарай резиденциясында Өзбекстан ҳәм Қубла Корея арасында турақлылыққа ийе жоқары дәрежедеги сөйлесиўдиң даўамы сыпатында стратегиялық шериклик қатнасықларын буннан былай да беккемлеў, саўда-экономикалық, инвестициялық, қаржы-техникалық ҳәм гуманитарлық тараўлардағы әмелий бирге ислесиўди кеңейтиўдиң перспективаларын додалайды, регионаллық ҳәм халықаралық әҳмийетке ийе мәселелер бойынша пикир алысады.

Сапар етиў бағдарламасынан Президент Мун Чжэ Инниң Өзбекстан Республикасы Олий Мажлиси ағзалары, еки мәмлекеттиң жетекши компаниялары бизнес-форумы қатнасыўшылары менен ушырасыўлары және Ташкент қаласында Корея мәденияты ҳәм көркем өнери үйиниң ашылыў мәресимине қатнасыўы орын алған. Сондай-ақ, Самарқанд қаласына сапар етиўи режелестирилмекте.

Сөйлесиўлердиң жуўмағында Қоспа декларация қабыл етиў, салмақлы ҳүкиметлераралық ҳәм уйымлараралық ҳүжжетлер топламы, сондай-ақ, саўда шәртнамаларын ҳәм инвестициялық жойбарларды әмелге асырыў бойынша келисимлерге қол қойыў мөлшерленбекте.

 

Дерек: Қарақалпақстан хабар агентлиги

 

скачать dle 10.6фильмы бесплатно



  • 19-04-2019, 11:24 |
  • 381