Өзбекистанда үй-жай коммунал хызмет көрсетиў министрлиги шөлкемлестирилди

Өзбекистанда үй-жай коммунал хызмет көрсетиў министрлиги шөлкемлестирилди

Өзбекистан Республикасы Президентиниң «Үй-жай коммунал хызмет көрсетиў системасын басқарыўды еле де жетилистириў илажлары ҳаққында»ғы пәрманы менен Өзбекистанда үй-жай коммунал хызмет көрсетиў министрлиги шөлкемлестирилди. Ҳүжжет тексти ЎзА да жәрияланды.

Нызамға берилген түсиникте айтылыўынша, бул жаңа министрлик үй-жай коммунал хызмет көрсетиў шөлкемлери менен жақын бирге ислесиў тийкарында көп ханалы үй-жай фондын басқарыў ҳәм оннан пайдаланыў системасын еле де жетилистириў, көп ханалы үйлерди сақлаў қағыйдаларына әмел етилиўин техникалық бақлаў бойынша нәтийжели системаны қәлиплестириў, халыққа сапалы үй-жай коммунал хызметлерин көрсетиўди түпкиликли жақсылаў, сондай-ақ, үй-жай мүлк ийелери ширкетлериниң турақлы жумыс жүргизиўин тәмийинлеў мақсетинде дүзилген.
Сондай-ақ, Министрлик қурамында Көп ханалы үй-жай фондынан пайдаланыўды қадағалаў инспекциясы ҳәм Қарақалпақстан Республикасы, ўәлаятлар ҳәм Ташкент қаласында оның аймақлық инспекциялары шөлкемлестирилди.

Соның менен бирге, Пәрманда Қарақалпақстан Республикасы Үй-жай коммунал хызмет көрсетиў министрлиги, ўәлаятлар ҳәкимликлери үй-жай коммунал хызмет көрсетиў басқармалары, Ташкент қаласы үй-жай коммунал хызмет көрсетиў бас басқармасы жанында «Оңлаў-тиклеў хызмети» мәмлекетлик унитар кәрханалары ҳәм олардың қала ҳәм район филиалларын шөлкемлестириў нәзерде тутылған. Шөлкемлестирилетуғын бул унитар кәрханаларға жеке үй-жай мүлк ийелери ширкетлери ямаса турақ-жай ҳәм натурақ-жай имаратлары мүлк ийелери менен шәртнама тийкарында көп ханалы үй-жай фонды ҳәм оған тутас аймақлардан пайдаланыў, оларды сақлаў бойынша системалы ислерди нәтийжели шөлкемлестириў, көп ханалы үй-жай фондын мәўсимли пайдаланыўға өз ўақтында ҳәм сапалы таярлаў, көп ханалы үй-жай фондын капитал ҳәм ағымдағы оңлаў, оған тутас аймақларды абаданластырыў ўазыйпалары жүклетилген.

Фото: ЎзА
скачать dle 10.6фильмы бесплатно



  • 20-04-2017, 09:05 |
  • 376