Жоқарғы Кеңес Кегейли ҳəм Қанлыкөл районлары сектор басшыларын материаллық жақтан хошаметлениўге ылайық деп тапты

Усы жылдың 10-январь күни Өзбекстан Республикасы Президенти Ш.Мирзиёев басшылығында болып өткен селектор мəжилисинде жынаятшылық ҳəм ҳуқықбузарлықлардың алдын алыў бағдарында алып барылып атырған жумыслар анализли көрип шығылды ҳəм анық ўазыйпалар белгилеп берилди. 
Орынларда жынаятшылық ҳəм ҳуқықбузарлықлардың алдын алыў бойынша көрилип атырған факторлардан бири – бул усындай жағдайларды ерте анықлаў ҳəм тийисли шөлкемлер менен биргеликте оларды сапластырыўға ерисип атырған басшыларды хошаметлеў болып табылмақда.
Өткен жыл нəтийжелери бойынша жынаятшылық ҳəм ҳуқықбузарлықлар санын кескин кемейтиўге ерискен Кегейли ҳəм Қанлыкөл районлары сектор басшылары Қарақалпақстан Республикасы Жоқарғы Кеңеси тəрепинен материаллық жақтан хошаметлениўге ылайық деп табылмақда.
Қарақалпақстанның қала ҳəм районлары арасында жынаятшылық ҳəм ҳуқықбузарлықлардың алдын алыў, олардың санын азайтыў бойынша ерисилген унамлы нəтийжелер ушын тийисли басшылар турақлы түрде хошаметленип барылыўы режелестирилмекте.

 

Дерек: parliamentrk.gov.uz

скачать dle 10.6фильмы бесплатно



  • 11-01-2019, 12:22 |
  • 602