Президент Ишки ислер органлары жумысы бойынша жыйналыс өткерди: Кегейли, Қанлыкөл мақталды, Елликқала – сынға алынды

Президент Ишки ислер органлары жумысы бойынша жыйналыс өткерди: Кегейли, Қанлыкөл мақталды, Елликқала – сынға алынды

 

Өзбекстан Республикасы Президенти Шавкат Мирзиёев басшылығында 10-январь күни мәмлекетимиз тынышлығы ҳәм жәмәәт қәўипсизлигин тәмийинлеў, жынаятшылықтың алдын алыў бағдарындағы келешек ўазыйпаларына арналған видеоселектор жыйналысы болып өтти. Бул ҳаққындаПрезидент баспасөз хызмети хабар берди.

Жыйналыста жынаятшылықты қадағалаўды сапа жағынан жаңа басқышқа алып шығыў кереклиги айтылды.

Мысалы, Андижан ўәлаятының дерлик барлық районларында аўыр түрдеги жынатлар саны артқан. Ўәлаятта ҳаяллар жынаятының салмағы жоқары болып, республика көрсеткишиниң 8,5 процентин қурайды.

Қарақалпақстанда жынаятшылық 31 процентке кемейген болса да, адам өлтириў ҳалатлары көбейген. Наманган ўәлаятында да бул бағдарда аўҳал қанаатландырарсыз екени көрсетип өтилди.

«Хабарыңыз бар, өткен жылы «ислегенди – хошаметлеў, ислемегенди – жазалаў системасын» енгизген едик. Бүгин соны есаплайтуғын ўақыт келди».

Жынаятшылықты қадағалаўда ең жоқары нәтийжеге ерискен 10 аймақ – Ширин ҳәм гүлистан қалалары, Шахрисабз, Янгийўл, Кегейли, Қанлыкөл, Ховос, Сардоба, Миробод, Ўртачирчиқ районлары ишки ислер бөлимлери баслықларын материаллық хошаметлеў, керисинше, бул бағдарда көрсеткишлери ең унамсыз болған 10 аймақ – Нурота, Нишон, Елликқала,  Пахтаобод, Дўстлик, Пахтакор, Избоскан, Бўстонлиқ, Бувайда, Қуйичирчиқ районлары  ишки ислер бөлимлери баслықларына жәрийма формасындағы интизамий жаза қоллаў бойынша тийисли тапсырма берилди.

Сын руўҳта өткен жыйналыста кадрлар мәселелери де көрилди. Өз хызмет ўазыйпаларын орынлаўда кемшиликлерге жол қойған көплеген басшылар қатаң ескертилди, айырымлары ийелеп турған лаўазымынан азат етилди.

Видеоселекторда жәмәәт қәўипсизлигин тәмийинлеўге жуўапкер мәмлекет органлары басшыларының есабат ҳәм усыныслары тыңланды.

Мағлыўматтың өзбек тилиндеги толық тексти:

Президент ички ишлар органлари фаолияти бўйича йиғилиш ўтказди: Кегейли, Қонликўл мақталди, Элликқалъа – танқид қилинди

 

Аўдарма: makan.uz

скачать dle 10.6фильмы бесплатно



  • 10-01-2019, 21:43 |
  • 808