«Адилет-Тахта» МТП баслығы Адилов Жамбыл Ағитаевич Тахтакөпир районының ҳәкими етип тайынланды

«Адилет-Тахта» МТП баслығы Адилов Жамбыл Ағитаевич Тахтакөпир районының ҳәкими етип тайынланды

Халық депутатлары Тахтакөпир районы Кеңесиниң нәўбеттен тысқары жигирма бесинши сессиясы болып өтти.
Сессияда район ҳәкими лаўазымына «Адилет-Тахта» машина трактор парки баслығы болып ислеп келген Адилов Жамбыл Ағитаевич кандидатурасы усынылды.
Кандидатты «Нураний» фонды район бөлими баслығы Ж.Аманшаев, 7-санлы «Қуўаныш жарма» сайлаў округинен П.Сапаров, район ҳаял-қызлар комитетиниң баслығы, Олий Мажлис Сенаты ағзасы А.Аллиярова ҳәм «Өзбекистан қәҳарманы» С.Сейтназаровлар қоллап-қуўатлап сөзге шықты.
Сессияда Ж.Адилов район ҳәқими лаўазымына тайынланды.

Еслетип өтемиз, буннан алдын Халық депутатлары Тахтакөпир районы Кеңесиниң жигирма төртинши сессиясы болып өткен еди. Сессияда Данегулов Рашид – Тахтакөпир районы ҳәкиминиң экономика ҳәм исбилерменлик мәселелери бойынша биринши орынбасары лаўазымына, Нурманов Төлепберген – район ҳәкиминиң санаатты раўажландырыў, капитал қурылыс, коммуникациялар ҳәм коммунал хожалығы мәселелери бойынша, Генжемуратов Оразбай – ҳәкимниң жаслар сиясаты, социаллық раўажландырыў ҳәм мәдений-ағартыўшылық ислери бойынша орынбасарлары етип тайынланды.

Дерек: kruz.uz
скачать dle 10.6фильмы бесплатно



  • 10-04-2017, 09:37 |
  • 785