Нызамшылық палатасы Европа мәмлекетлери менен шерикшиликти раўажландырыўға арналған нызам қабыллады

Нызамшылық палатасы Европа мәмлекетлери менен шерикшиликти раўажландырыўға арналған нызам қабыллады

Олий Мажлис Нызамшылық палатасының 31-март күни болып өткен жыйналысында «Өзбекистан Республикасы, бир тәрептен ҳәм Европа аўқамы ҳәм оларға ағза мәмлекетлер, екинши тәрептен, ортасында шерикшилик шөлкемлестириўши шерикшилик ҳәм бирге ислесиў ҳаққындаға Келисимге еки тәреплеме тоқымашылық Шәртнамасының әмел етиў мүддети тамамланғанын есапқа алып Келисим қағыйдаларының тоқымашылық өнимлериниң еки тәреплеме саўдасына кеңирек көлемде қоллаў мақсетинде Келисимге өзгерис киритиў ҳаққындағы Баянламаны ратификациялаў ҳаққында»ғы Өзбекистан Республикасы Нызамын қабыллады. Бул ҳаққында палатаның мәлимлеме хызмети хабар бермекте.
Бул нызамның қабылланыўы тек ғана экономикалық емес, ал сиясий жақтан жүдә әҳмийетли. Атап айтқанда, нызам қабылланыўы менен саўдада ең қолайлы режим қолланылады.
Буннан алдын бул режим тоқымашылық товарларына қолланылмаған болып, бул товарлар саўдасы Өзбекистан ҳәм Европа аўқамы ортасында тоқымашылық өнимлериниң саўдасы ҳаққындағы шәртнама менен тәртипке салынған еди.
Оған муўапық Европа аўқамы аймағында Өзбекистаннан тоқымашылық товарларын импорт қылыў ушын еки тәреплеме лицензиялаў системасы әмел еткен. Өз нәўбетинде, бул нызам усы шәртнамаға усынылған қосымшаларды толық сапластырады.
Бул ҳүжжет Өзбекистан ҳәм Европа мәмлекетлери ортасындағы шерикшиликти жеделлестириў ҳәм жаңа басқышқа алып шығыўға хызмет етеди.

Фото: ЎзА
скачать dle 10.6фильмы бесплатно



  • 3-04-2017, 09:54 |
  • 239