Сергей Лавров Өзбекистанға келеди

Сергей Лавров Өзбекистанға келеди

Россия Федерациясы Сыртқы ислер министри Сергей Лавров 7-апрель күни Өзбекистанға келеди. Россия Сыртқы ислер министрлиги рәсмий ўәкили Мария Захарова брифинг даўамында мәлим етиўинше, ол Ташкентте болып өтетуғын Ғәрезсиз мәмлекетлер дослық аўқамы (ҒМДА) Сыртқы ислер министрлиги Кеңеси (СИМК) жыйналысында қатнасады.
Ташкентте болып өтетуғын бул жыйналыс 2017-жылға режелестирилген Дослық жоқары органларының ең әҳмийетли жыйналысларынан бири есапланады.
Жыйналыста министрлер мәмлекетлер аралық бирге ислесиўди раўажландырыў бағдарындағы кең көлемдеги мәселелер ҳәм Дослыққа ағза мәмлекетлердиң сыртқы сиясий жөнелислерин сөйлеседи. Сондай-ақ, күн тәртибинде турған әҳмийетли сыртқы сиясий машқалалар бойынша пикир алмасыў режелестирилген.
Бийғәрез Мәмлекетлер Дослығына ағза мәмлекетлердиң сыртқы ислер министрлери мусылман, христиан ҳәм басқа дин ўәкиллерин кемситиў ҳәм шыдамсызлық етилиўине жол қоймаў ҳаққында қоспа баянат қабыллаўлары ҒМДА СИМКның енди болатуғын жыйналысы дыққат орайында болыўы күтилмекте.
Күн тәртибиндеги сондай-ақ, ҒМДА статусын беккемлеў бойынша әмелге асырылған жумыслар, оның органларының жумыс нәтийжелигин арттырыў мәселеси додалаўы орын алған.
Министрлер ҳуқықты қорғаў ҳәм гуманитар тараўлардағы бирге ислесиў мәселелерин де көрип шығыўы нәзерде тутылған. Бул ҳаққында kun.uz хабар бермекте.скачать dle 10.6фильмы бесплатно



  • 1-04-2017, 12:55 |
  • 309