Шавкат Мирзиёевтиң Москваға сапары ҳаққында хабар берилди

Шавкат Мирзиёевтиң Москваға сапары ҳаққында хабар берилди

Өзбекистан Президенти Шавкат Мирзиёев 5-апрель күни мәмлекетлик сапар менен Москвада болады. Бул ҳаққында kun.uz «Коммерсантъ» басылымының хабарына тийкарланып хабар берди.
27-март күни Москвада Россия Сыртқы ислер министри орынбасары - статс-секретарь Григорий Карасин Өзбекистан Сыртқы ислер министри орынбасары Саидикром Ниёзхўжаев пенен Өзбекистан Президенти Шавкат Мирзиёевтиң Россияға сапары ҳаққында сөйлескен еди.
Москвадағы Өзбекистан елшиханасы Президенттиң келиўине таярлық көрип атырғанын тастыйықлаған, бирақ анық сәне мәлим етилмеген.
Атап өтиў орынлы, бул Шавкат Мирзиёевтиң Өзбекистан Президенти сыпатында Россияға биринши сапары болады. Президент Москвада Россия Президенти Владимир Путин менен ушырасыўы режелестирилген.
Мирзиёев Москвадағы Пушкин атындағы музейде «Нөкис ғәзийнеси. Савицкий атындағы Қарақалпақ мәмлекетлик көркем-өнер музейи топламларынан үлгилер» көргизбеси ашылыўында қатнасыўы нәзерде тутылғаны айтылған.
Сапар даўамында саўда-экономикалық шерикшилик, әскерий-техникалық байланыслар, сондай-ақ, мәденият ҳәм туризм тараўындағы қатнасықлар сөйлесилиўи күтилмекте.

Фото: kun.uz
скачать dle 10.6фильмы бесплатно



  • 1-04-2017, 11:52 |
  • 264