Президент бир қанша ҳүжжетлерге киритилген өзгерислерди тастыйықлады

Президент бир қанша ҳүжжетлерге киритилген өзгерислерди тастыйықлады

Президент Шавкат Мирзиёев 29-март күни «Пуқаралардың ҳуқық ҳәм еркинликлерин исенимли қорғаў кепилликлерин тәмийинлеўге байланыслы илажлар қабылланғанлығы мүнәсибети менен Өзбекистан Республикасының айырым нызам ҳүжжетлерине өзгерис ҳәм қосымшалар киритиў ҳаққында»ғы нызамын тастыйықлады. Ҳүжжет 17-март күни Олий Мажлис Нызамшылық палатасы тәрепинен қабылланып, 28-март күни Сенат тастыйығынан өткен еди.
Сенаттың мәлимлеме хызметиниң берген мағлыўматына қарағанда, нызам суд-ҳуқық системасын демократластырыў ҳәм либералластырыў, судлар, ҳуқықын қорғаў ҳәм қадағалаў органлары жумысы нәтийжелигин арттырыў, пуқаралардың әдалатқа исенимин арттырыў, нызам үстемлигин тәмийинлеў ҳәм жәмийетте нызамлылықты беккемлеўге қаратылған.
Нызам менен Жынаят, Жынаят-процессуал, Пуқаралық процессуал, Жынаят-атқарыў кодекслери, «Судлар ҳаққында»ғы ҳәм «Прокуратура ҳаққында»ғы нызамларға өзгерислер киритилди.

Нызамда нәзерде тутылған барлық өзгерислер 2017-жыл 1-апрельден күшке киреди.

Нызамның толық тексти менен «Халқ сўзи» газетасында таныссаңыз болады.

Фото: ЎзА
скачать dle 10.6фильмы бесплатно



  • 31-03-2017, 16:25 |
  • 368