Мирзиёев ҳуқық-қорғаў органлары жумысын ҳәзирги күн талапларына жуўап бермейди деп тапты

Мирзиёев ҳуқық-қорғаў органлары жумысын ҳәзирги күн талапларына жуўап бермейди деп тапты

Өзбекистан Президенти Шавкат Мирзиёев 2017-жыл 14-март күни «Ҳуқықбузарлықлар профилактикасы ҳәм жынаятшылыққа қарсы гүресиў системасын еле де жетилистириў илажлары ҳаққында»ғы қарарды тастыйықлады.
Ҳүжжетте айтылыўынша, «ҳуқықбузарлықлар профилактикасын әмелге асырыўшы мәмлекетлик органларының жумыс түри ҳәм усыллары, ең алды менен информация-коммуникация технологияларынан жетерли дәрежеде пайдаланбай атырғанлығы себепли ҳәзирги күн талапларына толық жуўап бермейди».

Мәмлекет мекемелери айырым жағдайларда ҳуқықбузарлықлар профилактикасын тек ғана ҳуқықты қорғаўшы органлардың ўазыйпасы сыпатында баҳалап, нәтийжеде усы жумысқа керекли дәрежеде итибар бермей атырғаны да атап өтилди.

«Ҳуқықбузарлықлар профилактикасы ҳәм жынаятшылыққа қарсы гүресиў бағдарындағы илажлардиң анық мәнзилге бағдарланбағанлығы ҳәм оларға комплексли жантасылмағанлығы, сондай-ақ, ҳуқықбузарлықтың системалы түрде ислениўине тийисли себеп ҳәм шәраятларды анықлаў ҳәм оларды сапластырыў бойынша илажларды ислеп шығыў нәтийжелилигиниң жоқ екенлиги күтилип атырған нәтйижелерди бермей атыр», - делинген ҳүжжетте.
Соның менен бирге, жуўаплы органлардың жетерли дәрежеде баслама көрсетпей атырғаны, керекли дәрежедеги мекемелер аралық бирге ислесиўдиң жоқлығы, әмелге асырлып атырған илажлардың өз-ара сәйкес емеслиги ҳуқықбузарлықлар профилактикасы ҳәм жынаятшылыққа қарсы гүресиў тараўындағы жумысты түпкиликли жетилистириўди талап етеди.

Бул тараўда төмендегилер мәмлекетлик мекемелери ҳәм шөлкемлери жумысының тийкарғы жөнелислери етип белгиленди:
Пуқаралардың ҳуқықлары, еркинликлери ҳәм нызамлы мәплерин исенимли қорғаў кепилликлерин, сол қатары халық пенен туўрыдан-туўры ҳәм ашық пикирлесиўди жолға қойыў, Өзбекистан Республикасы Президентиниң Халық қабыллаўханалары жумысында белсенди қатнасыў, пуқаралар мүрәжатлары ҳәм машқалаларына итибарсыз мүнәсибетте болыў ҳәм бюрократиялық жағдайларға жол қоймаў арқалы тәмийинлеў;

ҳуқықты қоллаў әмелияты ҳәм нызамшылықты жетилистириў илажларын ислеп шығыў ҳәм әмелге асырыў арқалы ҳуқықбузарлықлардың, әсиресе ер жетпегенлер ҳәм жаслар арасында алдын алыў ҳәмде оларға шек қойыў, соның менен бирге олардың ислениўиниң себеплери ҳәм шәраятларын анықлаў, таллаў ҳәм сапластырыў бойынша илажлардың нәтийжелигин арттырыў;

мекемелер аралық бирге ислесиўди раўажландырыў, заманагөй информация-телекоммуникация технологияларын, сол қатары видеогүзетиў, электрон есапқа алыў ҳәм өз-ара информация алмасыў, мекемелер аралық мағлыўматлар базалары системаларын профилактикалық ислерге кең тартыў;
жәмәәтшилик бақлаўын күшейтиў, социаллық ҳәм мәмлекетлик-жеке шерикшиликти раўажландырыў, пуқаралардың өзин-өзи басқарыў органлары ҳәм пуқаралық жәмийетиниң басқа институтлары менен туўрыдан-туўры бирге ислесиўин жолға қойыў;

әмелге асырылып атырған профилактика илажларының мазмун-мәниси ҳәм әҳмийетин, нызамлылық жағдайы ҳәмде жынаятшылық дәрежеси ҳаққындағы мағлыўматларды халыққа жеткериў мәселелеринде ғалаба хабар қураллары менен белсенди бирге ислесиў, Интернет пүткил дүнья жүзлик информация тармағы имканиятларынан кең пайдаланыў, исленген ҳуқықбузарлықлар ҳәм оларды сапластырыў процесси ҳаққында жәмәәтшиликти тезлик пенен хабардар етиў;

ҳуқықбузарлықлар профилактикасы нәтийжелигин, сол қатары ҳуқықбузарлықлар динамикасы, оларды ислеўдиң тәкирарланыўы, социаллық пикир, профилактикалық жумыслар нәтийжесинен пуқаралардың қанаатланыўы ҳәм халық пенен бирге ислесиў дәрежесин есапқа алатуғын баҳалаўдың анық өлшемлерин енгизиў;

ҳуқықбузарлықлар профилактикасы бойынша мекемелер аралық бағдарламаларды ислеп шығыў ҳәм әмелге асырыўда мәнзиллилик, тараўлық қәнийгелесиў, аймақлық ҳәм басқа өзине тән қәсийетлер есапқа алыныўын тәмийинлеў;

социаллық машқалаларды шешиў, биринши нәўбетте халық бәнтилигин тәмийинлеў, ҳаяллар ҳәм жасларды социаллық-пайдалы жумысқа тартыўды белсендилестириў, ер жетпегенлердиң бос ўақтын мазмунлы шөлкемлестириў бойынша илажлардың нәтийжелигин арттырыў;
ҳуқықбузарлықлар профилактикасы мәселелери бойынша комплекс илимий ҳәм әмелий изленислер өткериў, профилактикалық ислерди алып барыўдың заманагөй методиканы енгизиў;

ҳуқықбузарлықлардан жәбирлениўшилер ҳәм ғайрисоциаллық минез-қулқлы, ҳуқықбузарлықлар ислеўге мейил болған ямаса ислеген шахсларға ҳуқықый, социаллық, психологиялық, медициналық, педагогикалық ҳәм басқа жәрдем көрсетиў бойынша илажлар системасын раўажландырыў;

ҳуқықбузарлықлар профилактикасына пуқаралар ҳәм жәмәәт шөлкемлерин, сол қатары оларды материаллық ҳәм басқаша түрде хошаметлеў арқалы тартыў механизмлерин жетилистириў.

Дерек: kun.uz


Фото: Vodiymedia.uz
скачать dle 10.6фильмы бесплатно



  • 27-03-2017, 13:53 |
  • 655