Шавкат Мирзиёев Қазақстанға сапарын жуўмақлады

Шавкат Мирзиёев Қазақстанға сапарын жуўмақлады

Өзбекистан президенти Нурсултан Назарбаев пенен бирге «Назарбаев университети» ҳәм MEGA Silk Way саўда орайын барып көрди. Бул ҳаққында ЎзА хабар берди.
Университетке биринши студентлер 2010-жылы қабылланған. Оның қурамында 8 мектеп, бир орай ҳәм китапхана бар. Билимлендириў халық аралық талаплар тийкарында алып барылады. Ҳәр жылы 440 тан аслам бакалавр ҳәм 170 тен артық магистр кадрлар таярланады.
Өзбекистан басшысы университеттиң Ҳүрметли мийманлары китабына қол қойды.

MEGA Silk Way саўда орайында саўда дүканлары, спорт ҳәм кеўил ашар шахабшалар, ҳәр қыйлы офислер жайласқан. Бул орай усы жылы 10-июннан 10-августқа шекем Астанада өткерилетуғын «ЭКСПО-2017» халық аралық көргизбесине мезбанлық ететуғын архитектуралық ансамбльдиң әҳмийетли бөлеги есапланады.

Бул жерде өзбек ҳәм қазақ халықларының қосық ҳәм ойынлары, миллий өнерментшилик өнимлери көрсетилди.
Президентлер «ЭКСПО-2017» халық аралық көргизбе майданының «Нур әлем» павильонына барды.
Шавкат Мирзиёев «ЭКСПО-2017» қәнийгелестирилген халық аралық көргизбеси мәмлекетлеримиз исбилермен шеңберлери ҳәм кәрханалары ортасында бирге ислесиўди еле де кеңейтиў, келешеги бар келисимлерге ерисиў жолында әҳмийетли илаж болыўын атап өтти.
Өзбекистан делегациясының сапары шеңберинде Астана қаласында Өзбекистан Миллий санаат көргизбеси ҳәм еки мәмлекет исбилермен шеңберлери қатнасыўында бизнес-форум да болып өтти.

Усының менен Өзбекистан президентиниң Астанаға сапары жуўмақланды, Шавкат Мирзиёевти Қазақстан президенти Нурсултан Назарбаев шығарып салды.

Фото: ЎзА
скачать dle 10.6фильмы бесплатно



  • 24-03-2017, 07:18 |
  • 334