Астанадағы бизнес-форумда 1 млрд долларлық шәртнамалар тастыйықланады

Астанадағы бизнес-форумда 1 млрд долларлық шәртнамалар тастыйықланады

Қазақстан-Өзбекистан бизнес-форумы даўамында 1 млрд долларлық 75 шәртнама тастыйықлаў режелестирилмекте. Бул ҳаққында Қазақстан президенти Нурсултан Назарбаев Өзбекистан президенти Шавкат Мирзиёев пенен Ақ ордада болып өткен еки тәреплеме ушырасыўда мәлим еткен.

«Бүгин үлкен бизнес-форум» болып өтпекте, еки тәрептен 500 бизнесмен қатнаспақта. Маған айтыўларына қарағанда, дерлик бир миллиард долларлық 75 шәртнама дүзиледи. Бул соңғы жыллар ишинде тарийхымызда биринши мәрте гүзетилмекте», - деп оның сөзлерин келтирип өткен Tengrinews.kz.

Буннан алдын Өзбекистан Республикасы Саўда-санаат палатасы президентиниң сапары ўақтында Астанада Өзбекистан-Қазақстан бизнес-форумы өткерилиўин мәлим еткен еди.
Илаж Астанадағы «Ғәрезсизлик сарайы»нда Өзбекистан ҳәм Қазақстан тәреплериниң презентациялары форматында болып өтеди, соның менен бирге, мәмлекетлер компаниялары ортасында еки тәреплеме сөйлесиўлер де өткериледи.

Бизнес-форум өткериўден мақсет еки мәмлекет компаниялары ортасында кооперация байланысларын орнатыў ҳәм меккемлеў, қоспа кәрханалар жаратыў ҳәм инвестиция жойбарларын әмелге асырыў мәселелерин үйренип шығыўдан ибарат, бул ҳаққында kun.uz хабар бермекте.

Фото: © Фото: inform.kz
скачать dle 10.6фильмы бесплатно



  • 23-03-2017, 17:26 |
  • 200