Президент Шавкат Мирзиёев Астанада

Президент Шавкат Мирзиёев Астанада

Өзбекистан Президенти Шавкат Мирзиёев Қазақстан Президенти Нурсултан Назарбаевтиң мирәтине муўапық 22-март күни мәмлекетлик сапар менен Астана қаласына барды. Бул ҳаққында ЎзА хабар бермекте.

Сапардың тийкарғы ўақыялары 23-мартқа белгиленген. Жоқары дәрежедеги сөйлесиўлерде Өзбекистан ҳәм Қазақстан ортасындағы сиясий, саўда-экономикалық, инвестициялық, транспорт-коммуникация, мәдений-гуманитар ҳәм басқа тараўлардағы бирге ислесиўдиң сөйлесиўи, тәреплерди қызықтырған аймақлық ҳәм халық аралық мәселелер бойынша пикир алмасыў белгиленген.

Шавкат Мирзиёев сапары шеңберинде Астана қаласында Өзбекистан Миллий санаат көргизбеси, еки мәмлекет исбилермен шеңберлериниң атақлы делегациялары қатнасыўында бизнес-форум өткерилиўи де нәзерде тутылған.

Өзбекистан Президентиниң сапары жуўмақлары бойынша мәмлекетлер аралық, ҳүкиметлер аралық ҳәм мекемелер аралық бир қанша әҳмийетли ҳүжжетлер, Өзбекистан-Қазақстан бирге ислесиўин сапа жағынан жаңа басқышқа көтериўге қаратылған салмақлы шәртнамалар тастыйықланыўы режелестирилген.

Фото: ru.sputniknews.kz
скачать dle 10.6фильмы бесплатно



  • 22-03-2017, 18:29 |
  • 329