Президент меншиклестириў сиясаты надурыс әмелге асырылғаны ҳаққында пикир билдирди

Өзбекстан Республикасы Президенти Шавкат Мирзиёев меншиклестириў надурыс әмелге асырылыўы себепли қәтелерге жол қойылғаны ҳаққында пикир билдирди. Мәмлекет басшысы бул ҳаққында Андижан ўәлаятының Улунғур районында болып өткен жыйналыста мәлим етти, деп жазады kun.uz.

«Ҳәзир шәртнама дүзип атырған мәмлекетлер неге бизге исенип атыр? Себеби, тәртип, интизәм бар екени ушын, миллет бирлескени ушын. Бир миллетте Қодировқа уқсаған урлық етсе, ол миллет болалмайды, ҳеш қашан. Не, Миллий қәўипсизликте отырғанлар оның уры екенин билмеген бе? Шерик болған, негизи. Ямаса Андижан ўәлаятында меншиклестирилген кәрханалар қайсы фамилияға рәсмийлестирилгенин билмей ме? Ҳәмме биледи. Енди ондайлар болмайды. Өзи меншиклестириў надурыс болған, усы исти қылған адам өзбек миллетине қыянет қылған.

Егер Андижанда сол кәрханалар турғанда, күнимизге жарар еди. Меншиклестириўге қол қойыўдан алдын, алатуғын адам кәрхананы сатып алыў имканиятына ийе болыўы керек еди. Ол не ушын қол қойған, басқа мәмлекет алып кетсин, деп қол қойған еди. Миллетим ушын, деп емес. Миллетте болса пул болмаған. Ҳәмме нәрсе босап жатыр», - дейди Президентимиз. Шавкат Мирзиёевтиң атап өтиўинше, буннан кейин көп мәселелерди ҳәким шешеди.

«Ол – Президенттиң ўәкили, ўәлаят ҳәм районда баслық. Ол дәўирлер өтип кетти, ҳәкимниң абыройын шерменде еттик. Ҳәкимди шерменде етсе, Президентти шерменди етти демек. Ҳәким бирден-бир Конституция ҳәм Президентке бойсынады. Алдын, әпиўайы сержант ҳәким ҳаққында кишкене қағазға мағлыўматнама жазып тапсырған. Қәне енди сол шөлкемниң өзи де ҳадал болғанда еди», - сөзин даўам еткен Президент.

 

Аўдарма: makan.uz

 

скачать dle 10.6фильмы бесплатно



  • 20-05-2018, 11:05 |
  • 267