Президент неге Өзбекстанға АҚШ пенен қатнасықларды жақсылаў зәрүр екенин түсиндирди

 

Президент неге Өзбекстанға АҚШ пенен қатнасықларды жақсылаў зәрүр екенин түсиндирди

 

Өзбекстан Республикасы Президенти Шавкат Мирзиёев АҚШ пенен қатнасықлары ҳаққында айтып, неге Өзбекстанға АҚШ инвестициясы зәрүр екенине анықлық киритти. Бул ҳаққында мәмлекет басшысы 19-май күни Андижан ўәлаяты Улунғур районында өткерилген жыйналыста мәлим етти, деп жазады kun.uz.

«Андижан халқы жақсы биледи, уллы бабаларымыз қойымшылықлары Ҳиротта. Өзбек миллети ушын Ҳиротға шекем жетип барсақ, уллы бабаларымыз руўҳы медет болады. Әлбетте, бунда аўған халқының мәпи бар, экономикасы бар. Лекин, бабалар руўҳы шад болады, миллетим ўәкили өтип атыр, дейди. Соның ушын, үлкен темир жол қурылысы басламасы менен шығып едик, үлкен рахмет, АҚШ Президенти Дональд Трамп қоллап-қуўатлап, биз баянлама қабыл еттик. Қоспа баянатта да АҚШ Аўғаныстандағы темир жол қурылысын ҳәр тәреплеме қоллап-қуўатлаўын билдирди.

Буннан соң, Жәҳан банкине барып, енди маған пул бересең, деп, олар менен досласып, дәрриў қол қойдырып алдық. Қуда қәлесе, сол күнлерге жетип алсақ, бабаларамыздың қәбирин абат етемиз. Сондай-ақ, Жәҳан банки топары менен 2 миллиард долларға тең жойбарларды биргеликте әмелге асырыў бойынша келисимлер дүзилди.

Америка компаниялары менен улыўма қуны дерлик 5 миллиард долларға тең 20дан аслам шәртнамалар тастыйықланды. Тийкарында, бул 8,5 миллиард доллар болыўы режелестирилген еди, бирақ нағын жазамыз, дедим. Соған қарамай, 10-15 күнниң ишинде 1,5 миллиард долларға тең үлкен жойбарға да имза қоямыз.

Қулласы, бир затты түсиниң: не ушын бизге АҚШ инвестициясы, технологиясы керек? Себеби, ондай технология ҳәм исленбелер еле Өзбекстанға кирмеген. Ең раўажланған, кимгедур жағады, кимгедур жақпайды, бирақ АҚШ технологиясы кирген мәмлекетте есап-санақ орнында болады. Олардың технологиясы кирген жерде коррупция, урлық болмайды. Бул бир өлшем, тәрезиниң пәллеси болады. Соның ушын, олар аңсатлық пенен бир мәмлекетке инвестициясын киритпейди», - деди Президентимиз.

 

Аўдарма: makan.uz

 

 

скачать dle 10.6фильмы бесплатно



  • 20-05-2018, 11:03 |
  • 391