Шавкат Мирзиёев Ақ үйде Дональд Трамп пенен ушырасты

Шавкат Мирзиёев Ақ үйде Дональд Трамп пенен ушырасты 

Фото: Twitter/Mark Knoller ‏

Өзбекстан Президенти Шавкат Мирзиёев Ақ үйде АҚШ Президенти Дональд Трамп пенен ушырасты. Ҳәзирги ўақытта мәмлекет басшылары жабық есиклер артында сәўбетти даўам еттирмекте. Батыс баспасөзинде тарийхый деп айтылып атырған бул ўақыя 16 жылда биринши мәрте жүз бермекте. Дипломатиялық қатнасықлар тарийхта биринши мәрте АҚШ рәсмий ўәкили, бурынғы Мәмлекет хаткери Жеймес Бейкер 1992-жыл 16-февраль күни Самарқандқа келген еди.

Буннан соң, 2000-жылы Мәмлекет хаткери лаўазымында ислеген Маделен Албрайт ханым, 2001-жылы Мәмлекет хаткери Коллин Пауэл, арадан 9 жыл өтип усы лаўазымда ислеген Ҳиллари Клинтон Өзбекстанға келди. Клинтон ханым бир жыл ишинде және Өзбекстанға рәсмий келген.

2015-жылы болса АҚШ Мәмлекет хаткери лаўазымында ислеген Жон Керри Орайлық Азияда қәўипсизлик мәселелерин сөйлесиў ушын Өзбекстанға келген еди.

Өзбекстан Республикасы Биринши Президенти Ислам Каримов 2002-жылы март айында Вашингтондағы Ақ үйде АҚШтың бурынғы Президенти Жорж Буш пенен ушырасқан еди.

Буннан кейин, мәмлекет басшылары рәсмий сапарды әмелге асырмады. Ҳәзирги ўақытта АҚШ Президенти Дональд Трамп мирәти менен Шавкат Мирзиёев Ақ үйге келди, деп жазады kun.uz

 

Аўдарма: makan.uz

 

скачать dle 10.6фильмы бесплатно



  • 16-05-2018, 22:14 |
  • 172