Туркия Президенти Өзбекстанға мәмлекетлик сапар менен келди

 

Туркия Президенти Өзбекстанға мәмлекетлик сапар менен келди

 

Туркия Президенти Ражаб Тоййиб Эрдуған мәмлекетлик сапары менен Өзбекстанға келди. Ташкент аэропортында Өзбекстан Республикасы Бас министри Абдулла Арипов мийманды күтип алды. Президент баспасөз хызмети бул ҳаққында хабар берди.

Атап өтиў керек, Эрдуған Өзбекстанға бир неше күнлик сапары шеңберинде Ташкентте Өзбекстан Президенти Шавкат Мирзиёев пенен ушырасады. Олий Мажлисте сөйлейди ҳәм еки мәмлекеттиң жетекши банклери ҳәм комнапиялары басшыларының бизнес-форумында қатнасады.

Туркия Президентиниң Ташкентке пәрўаз алдынан айтқан сөзлерине қарағанда, ол 1-май күни Бухараға барып, Уллы Жипек жолы өткен тарийхый қаланы зыяратлайды.

«Бухараға сапар үлкен әҳмийетке ийе. Туркия Өзбекстанда Имом Ал-Бухарий атындағы Халық аралық илимий-изертлеў орайы ҳәм Имом Мотурудий атындағы ислам изертлеўлери орайын иске түсириўди режелестирмекте. Бул мәселени өзбек кәсиплесим менен додалағанбыз ҳәм тийисли келисимге ерискенбиз. Сапар даўамында барлық мәселелер ислеп шығылады. Дәл соның ушын да Өзбекстанға үлкен делегация жол алмақта», - деген Туркия Президенти.

Оның айтыўына қарағанда, Өзбекстанға сапар еки мәмлекет қатнасықларына жаңаша бағыт бағышлайды, деп жазады kun.uz.

 

Аўдарма: makan.uz

 

 

скачать dle 10.6фильмы бесплатно



  • 30-04-2018, 13:21 |
  • 230