Президент Хорезмде жыйналыс өткерди. Ўәлаят ҳәкими орынбасарлары ҳәм бир район ҳәкими жумыстан алынды

 

Президент Хорезмде жыйналыс өткерди. Ўәлаят ҳәкими орынбасарлары ҳәм бир район ҳәкими жумыстан алынды

 

Өзбекстан Президенти Шавкат Мирзиёев Хорезм ўәлаятына сапары шеңберинде ҳүкимет ағзалары, министрлик ҳәм мәкемелер басшылары, ўәлаят ҳәм район ҳәкимлери және тийисли тараўлар басшылары қатнасыўында жыйналыс өткерди. Бул ҳаққында Президент баспасөз хызмети хабар берди.

Сын көз-қараста өткен жыйналыста мәмлекетимиз Президенти ўәлаятта кейинги ўақытлары социаллық-экономикалық раўажланыўда көплеген мәселелер топланып қалғанын, машқалаларды шешиўде ўәлаят басшылығының жумысты босаңлатып алғанын, ўәлаяттың биринши басшысында талапшаңлық ҳәм жигер жетиспеўшилигин көрсетип өтти. Сондай-ақ, ўәлаят, қала ҳәм районлардағы секторлардың жумыслары да қанаатландырарсыз шөлкемлестирилгени атап өтилген еди.

Жыйналыста ҳеш нәрсе қол шаппатлаў менен болмайтуғыны, жумыстағы тәртип ҳәм интизам жоқары нәтийжелерге ерисиўде биринши фактор болыўы кереклиги айтылған.

«Ўәлаятта көплеген тараўларда ақсаңлаў гүзетилмекте. Жаңа жумыс орынларын шөлкемлестириў, бюджеттиң дәраматлар базасын кеңейтиў, ўәлаят экспорт потенциалын арттырыў, қарыздарлықты кемейтиў, қала ҳәм аўылларды абаданластырыў жумысларында үлкен изде қалыўшылық бар екени, ўәлаттың туризм имканиятлары кең болыўына қарамастан, бул тараўда да көплеген машқалалар топланып қалғаны айтылды», - делинген хабарда.

Жумыста жол қойған үлкен кемшиликлери ушын халық депутатлары Хорезм ўәлаяты кеңесиниң 21-апрель күни болып өткен нәўбеттен тысқары сессиясында ўәлаят ҳәкими Илгизар Собиров ўазыйпасынан азат етилген. Оның орнына Фарҳод Эрманов тайынланған еди (ол усыған шекем Қарақалпақстан Республикасының Беруний районы ҳәкими еди – makan.uz).

Жыйналыста жол қойылған немқурайлық ушын ўәлаят ҳәкиминиң экономикалық мәселелер бойынша биринши орынбасары Мақсуд Сапаев, Инвестициялар бойынша орынбасары Темур Раҳманов ҳәм Қоскөпир районы ҳәкими Сардор Юсупов ийелеп турған ўазыйпасынан азат етилген. Буннан тысқары, сектор басшыларына, бир қанша жуўаплыларға интизамий жаза шаралары көрилген ҳәм оларға сынақ мүддети берилген.

Жыйналыста ўәлаяттың жаңа басшылығы ҳәм бәрлық басшыларға бир қанша ўазыйпалар қойылды.

«Бәрлық ҳәкимлер, мәкеме ҳәм шөлкемлер басшылары ояныўы, өзин қыйнаўы керек. Ўәлаятты ҳәр тәреплеме раўажландырыў, адамларды ырза етиў ҳәм олардың турмыс жағдайын жақсылаў ҳәр бир басшының тийкарғы ўазыйпасы болыўы керек», - деген Президентимиз Шавкат Мирзиёев. Дерек: kun.uz

 

Аўдарма: makan.uz

 

 

скачать dle 10.6фильмы бесплатно



  • 25-04-2018, 00:06 |
  • 669