Президент: «... биз адамларға жумыс таўып бермесек, ҳеш ким бизге исенбейди»

 

Президент: «... биз адамларға жумыс таўып бермесек, ҳеш ким бизге исенбейди»

 

Өзбекстан Бәнтлик ҳәм мийнет қатнасыклары министрлиги Мөлдек жер министрлигине өзгереди. Бул ҳаққында Прездентимиз Шавкат Мирзиёев 17-март күни Самарқанд ўәлаяты белсендилери ҳәм пайтахттан келген лаўазымлы басшылар қатнасыўындағы жыйналыс ўақтында мәлим етти, деп жазады kun.uz.

«Не ушын мен майда нәрселерге де итибар қаратып атырман. Бир нәрсени билиңлер, егер биз адамларға жумыс таўып бермесек, ҳеш ким бизге исенбейди.

Мен бүгин мөлдек жер мәселесинде барлық гәпти түсиндирдим. Егер мөлдек жерди ақыл менен қылсақ, бир жылдың өзинде 29 мың адам жумыс пенен тәмийинленеди.

Кеширерсизлер, адамларды мийнеттен алыс қылып қойдық.

Өзиниң үй қапталында мийнет етпеў Өзбекстан шәраятына туўра келмейди.

Жомға (район – makan.uz) барғанымызда да көрдик, үлкен аўылда жасап, картошканы, сүтти базардан алып атыр. 8 сотих жери бар адам.

Бул не тиришилик? Бул қандай экономика? Буған қайсы мәмлекет шыдайды? Кимди бағып болады бундайда?

Енди ҳәр бир ҳәкимликтиң 4 басшысы, ҳәким, ишки ислер баслығы, прокурор, салықшы, орынбасарлар үйме-үй жүреди, тек ғана биринши орынбасарлар мәкемеде отырады.

Прокурор прокуратураға кирмейди, районда жатады.

Болмаса, жумыстан алып таслайман. Қўчқоров усы жерде қалады (Өзбекстан Республикасы Финанс министри, Бас министр орынбасары Жамшид Қўчқоров), ҳәммесин түсиндирип береди, мөлдек жер не екенин, ким не ислеў кереклигин.

Беларусьда да бул бағдарда қыйыншылықлар болған, аўыр сөзлер айтылған, нызамлар шыққан, мине енди Беларусьтың экономикасы қандай раўажланғанын көриңлер. Адамлар өзи ислемесе, ким ислейди, адамлар өзин бағыўға ҳәрекет қылмаса, қайсы мәмлекет бағып алады?

Және бир әҳмийетли жөнелис, киши бизнес субъектлери ҳәм бос турған объектлер.

Булунғур районында өткен жылы 136 жаңа киши бизнес субъектлери шөлкемлестирилип, 120сы тамамланған, Қўшработта 40ы шөлкемлестирилип, 37си тамамланған, Жомбойда 99 жаңа бизнес субъекти жумыс баслап, оннан да көби – 103 и тамамланған.

Соның бәрлығы есапқа алынып, Салық комитети баслығы Ботир Парпиев, Саўда-санаат палатасы баслығы Икрамов, ўәлаят ҳәкими Туроб Жўраев 2 ай мүддетте киши бизнес субъектлери искерлигин тоқтатыў себеплерин үйренип, олардың жумысын қайта тиклеў есабынан қосымша жумыс орынларын жаратыўды есап-китап қылсын. Бул бағдарда мырза Ҳайитовқа да айттым (Актам Ҳайитов – Өзбекстан Бәнтлик ҳәм мийнет қатнасыклары министри), Ҳайитовтың министрлиги атын да өзгертемен, Мөлдек жер министрлиги болады.

Адамларды жумыс пенен тәмийинлей алмайтуғын министрлик те керек емес, министр де керек емес», - деген Президентимиз.

 

Еслетип өтемиз, Өзбекстан Президентиниң 2017-жыл 24-майдағы «Бәнтлик тараўында мәмлекет сиясатын еле де жетилистириў ҳәм мийнет органлары искерлиги нәтийжелигин түпкиликли арттырыў ис-илажлары ҳаққында»ғы пәрманына муўапық, Мийнет министрлиги Бәнтлик ҳәм мийнет қатнасықлары министрлигине айландырылған еди.

2017-жыл августында министрлик басшысы Азиз Абдуҳакимов Туризмди раўажландырыў бойынша мәмлекет комитети баслығы лаўазымына өткерилген, «Ўзстандарт»тың бурынғы баслығы Актам Ҳайитов жаңа министр етип қойылды.

 

Аўдарма: makan.uz

 

скачать dle 10.6фильмы бесплатно



  • 18-03-2018, 18:32 |
  • 448