Президент: Бас прокурорды неге қамадым? Ҳәммеси уры еди. Ҳәр бир район прокуроры қаншадан пул бергенин бүлбилдей сайрап жатыр түрмеде

Президентимиз Шавкат Мирзиёев 17-март күни Самарқанд ўәлаятына барды.

Президентимиз Самарқанд ўәлаятында шет ел инвестицияларын алып кириў бойынша салмақлы жумыслар әмелге асырылыўы керек екенин уқтырды.

Ол Самарқанд ўәлаятында шет ел инвесторлары ушын имканиятлар шексиз екенин айтып, Паст Дарғом районында өткерилген видеослекторда инвесторларды ким таўып келиўи кереклигине байланыслы пикирлерин билдирди.

«Ҳәр бир район ҳәкими бир айда 1 млн доллар алып келмесе, ондай ҳәкимниң не кереги бар? Мине аэропорт бар, ҳәкимлер ҳәр айда 15 күн Кореяға, Қытай, Малайзия, Индонезияға барсын. Бизге районға қараўыл керек емес. Өзимиздиң участка инспекторларымыз бар. Мәҳаллемиз бар», - деп Президентимиздиң сөзлерин келлтирген Kun.uz.

Президентимиз өз баянатында, сондай-ақ, шет ел инвесторларын қыйнап киятырған машқалаларға да итибар қаратып, коррупцияға араласқан ҳәмелдарларды сол күни қаматыўды айтқан.

«Ҳәр бир районға сырт елден инвестиция алып кириў бойынша орынбасар бердим. Нәтийже жоқ. Өзи келген адамды да сергиздан қыласызлар, 10 процентин бер, 20 процентин бер. Ол заман өтип кетти.

Бирде бир адам коррупцияға араласса, сол күни қаматтыраман. Ким болыўынан бийғәрез. Мине еситип атырсызлар, қанша адамды қаматып жибердим. Неге десеңиз, парахор ҳәммеси. Бас прокурорды неге қамадым? Ҳәммеси уры еди. Ҳәр бир район прокуроры қаншадан пул бергенин бүлбилдей сайрап жатыр түрмеде.

Самарқандта да 7 район прокуроры ҳәр айда берип турған. Прокурор болыў ушын 35-40 мың доллардан берген. Район прокуроры 40 мың берген болса, бул пулды қайтарыў ушын сатыўы керек. Мине қандай жағдайда жасағанбыз. Нызам үстем, жаза тайын. Мен неше мәрте айтып атырман. Қудай қайырыңызды берсин. Енди ҳадал ислемесек, қоймайман ҳеш кимди.

Қолымыз келте еди, бир еки шөлкемлер бар еди. Кекирейип, әтирапымызда аңлып жүретуғын еди. Өзлери ең үлкен уры еди. Бул ҳақыйқат. Енди ислеў керек. Мине биз шәраят жаратып берип атырмыз. Арбаны тартыў керек», - деди Президентимиз Шавкат Мирзиёев.

 

Аўдарма: makan.uz

скачать dle 10.6фильмы бесплатно



  • 18-03-2018, 11:34 |
  • 1 112