Президент пахтаны кластер усылында егиў не екени ҳаққында түсиник берди

 

Президент пахтаны кластер усылында егиў не екени ҳаққында түсиник берди

 

Президентимиз Шавкат Мирзиёев 17-март күни Самарқанд ўәлаятына барды. Президент Паст Дарғом районында Самарқанд ўәлаяты белсендилери менен видеоселектор жыйналысын өткерди. Ол пахта таласын республиканың өзинде қайта ислеўдиң орнына сыртқа сатыў ақылсызлық екенин айтты, деп хабар берди KUN.UZ.

«Пахта сатыў бул барып турған ақылсызлық. Пүткил дүнья бизиң пахтамызды алып қанша пайда көреди. Мине Бангладеш Өзбекстаннан 70 процент пахтаны алады. Ҳиндистаннан 30 процентти сатып алады. Өзбекстан менен Ҳиндистан пахтасын араластырып 30 млрд долларлық өним экспорт қылады. Олар пахта жетистириў азабын көрмеген. Биз болса, 2 млрд долларлық экспорт қыла алмаймыз.

Мейли, алдынғы ўақытлары мүмкин емес еди. Қудай ол күнлерди басқа қайтармасын. Ҳәзир ҳәмме нәрсени ашып бердик. Айтып атырмыз, раўажланың, деп. Пахтаны қосымша қун менен сатыў керек. Қосымша қун менен деген не? Еки есе ислеп, жип ямаса таўар емес, таяр буйым етип сатайық.  

Мине бүгин мен тапсырма бердим, керек болса, 500-1000-2000 адамлық жыйналма цехлар қылып, 3-, 4-, басқыштағы таяр өним сатып, Самарқанд өзлериңиз ислеп шығарып, адамларды бай қылыңлар.

Сол себепли, буннан кейин Самарқандтың ҳәр бир районында пахта кластерлери шөлкемлестириледи. Ҳәзир биреўи бар. Бул аз. Кластер дегени, пахтаның ийеси бар дегени. Өзи егеди, өзи тереди, қайта ислейди. Таяр өним етип сатады. Шигити, таласы ҳәммеси өзиники болады. Адамлар енди 2 жыл, 3 жыл күтпейди. Соның ушын бир жылға тапсырма берип атырман. Усы жылдың өзинде ислеў керек. 5 жыл, 10 жыл, Қудай патша оған шекем», - деди Президентимиз.

 

Аўдарма: makan.uz

скачать dle 10.6фильмы бесплатно



  • 18-03-2018, 11:33 |
  • 530