Шавкат Мирзиёев әмелий сапар менен Қазақстанға барады

 

Шавкат Мирзиёев әмелий сапар менен Қазақстанға барады

 

Шавкат Мирзиёев Нурсултан Назарбаевтың мирәтине муўапық 15-март күни әмелий сапар менен Астана қаласына барады, деп хабар берди  Президент баспасөз хызмети.

Сапар шеңберинде Өзбекстан делегациясы Орайлық Азия мәмлекетлери басшыларының кең көлемли күн тәртибине ийе биринши мәслаҳат ушырасыўында қатнасады.

Бул ушырасыўды өткериў усынысы Президент Шавкат Мирзиёев тәрепинен Бирлескен миллетлер шөлкеми Бас ассамблеясының 2017-жыл сентябрь айында өткен 72-сессиясында алға қойылған ҳәм Самарқанд қаласында болған «Орайлық Азия: бир тарийх ҳәм улыўма келешек, турақлы раўажланыў ҳәм раўажланыў жолындағы шерикшилик» темасындағы халық аралық конференцияда бир бағдарлама дәрежесине шекем раўажландырылған еди.

Өзбекстанның бул басламасы аймақтың барлық мәмлекетлери тәрепинен қоллап-қуўатланып, Қазақстан жоқары дәрежедеги биринши ушырасыўды Астанада өткериўди усынған еди.

Алдын, мәмлекетимиз Президенти сол күни Қазақстанда Өзбекстан жылының рәсмий ашылыў мәресиминде қатнасыўы хабарланған еди.

Сондай-ақ, Шавкат Мирзиёевтиң Нурсултан Назарбаев пенен ушырасыўы да режелестирилген.

 

Аўдарма: makan.uz

скачать dle 10.6фильмы бесплатно



  • 14-03-2018, 15:21 |
  • 252