Мийнет ҳақы, пенсия, напақа ҳәм стипендияларды төлеў механизмин жетилистириўге байланыслы қосымша илажлар ҳаққында

Мийнет ҳақы, пенсия, напақа ҳәм стипендияларды төлеў механизмин жетилистириўге байланыслы қосымша илажлар ҳаққында

"Мийнет ҳақы, пенсия, напақа ҳәм стипендияларды төлеў механизмин жетилистириўге байланыслы қосымша илажлар ҳаққында"
Өзбекистан Республикасы Президентиниң Қарары

Мийнет ҳақы, пенсия, напақа ҳәм стипендияларды төлеў системасын түп-тийкарынан жетилистириў, пенсионерлер, студентлер ҳәм халықтың басқа да социаллық жәрдемге мүтәж қатламларының ҳуқық ҳәм нызамлы мәплерин қорғаўды сөзсиз тәмийинлеў, олардың Өзбекистан Республикасының барлық аймағында сатып алатуғын товар ҳәм хызметлер ушын төлемлерди тосқынлықларсыз әмелге асырыў ушын қолай шараятлар жаратыў мақсетинде:
1. Өзбекистан Республикасы Орайлық банки, Қаржы министрлиги, Қаржы министрлиги жанындағы бюджеттен тысқары Пенсия қоры басшыларының итибары Өзбекистан Республикасы Президентиниң Виртуал қабыллаўханасына мийнет ҳақы, пенсия, напақа ҳәм стипендиялар өз ўақтында төленбей атырғаны, төлем терминаллары ҳәм банк аппаратлары системасы жеткиликли дәрежеде раўажланбаған ҳалда төлемлер пластикалық карточкаларға тийкарсыз рәўиште өткерилип атырғаны ҳаққында көплеген мүрәжатлар келип түсип атырғанына қаратылсын.
2. 2017-жылдың февраль айынан баслап:
барлық түрдеги пенсиялар пүткил мәмлекет аймағында ҳеш қандай шеклеўлерсиз толық көлемде нақ түрде берилетуғыны;
қосымшада келтирилген таўлы ҳәм алыс районлардағы бюджет шөлкемлери хызметкерлерине мийнет ҳақы төлеў, социаллық төлемлер ҳеш қандай шеклеўлерсиз толық көлемде нақ түрде әмелге асырылатуғыны;
жоқары оқыў орынларының студентлерине стипендиялардың кеминде 50 проценти нақ түрде берилетуғыны белгилеп қойылсын.
3. Өзбекистан Республикасы Қаржы министрлиги, Қаржы министрлиги жанындағы бюджеттен тысқары Пенсия қоры, «Өзбекистан почтасы» акционерлик жәмийети пенсиялар усы қарардың 2-бәнтине муўапық, нызамшылықта белгиленген мүддетте, тийисли айдың 27-сәнесинен кешиктирмей төлениўин тәмийинлесин.
4. Өзбекистан Республикасы Орайлық банки:
коммерциялық банклер менен биргеликте мийнет ҳақы, пенсия, напақа ҳәм стипендиялар және оларға теңлестирилген төлемлерди төлеўде жол қойылып атырған турақлы мәпи ушын пайдаланыўларды сөзсиз сапластырыўға байланыслы илажларды көрсин, төлемлердиң биринши талабына муўапық хожалық жүргизиўши субъектлердиң есап бетлеринен ҳеш қандай қарсылықсыз берилиўин тәмийинлесин;
Өзбекистан Республикасы Қаржы министрлиги, Мәмлекетлик салық комитети, коммерциялық банклер, Қарақалпақстан Республикасы Министрлер Кеңеси, ўәлаятлардың ҳәкимликлери менен биргеликте бир ай мүддетте әмелдеги төлем терминалларының инфраструктурасын есапқа алған ҳалда мийнет ҳақыны нақ түрде ҳәм пластикалық карталарға өткериў жолы менен төлеўди сын көз қарастан қайта көрип шықсын ҳәм бул бағдарда мақул пропорцияларды белгилесин. Қабыл етилген илажлар ҳаққында Өзбекистан Республикасы Президенти Аппаратына мәлимлеме берилсин.
5. Өзбекистан Республикасы Бас прокуратурасы бир ай мүддетте Өзбекистан Республикасы Президентиниң 2005-жыл 5-августтағы 147-санлы «Банклердеги депозит есап бетлерден нақ пул төлемлерин үзликсиз тәмийинлеўдиң кепилликлери ҳаққында»ғы қарарының 3- ҳәм 4-бәнтлеринде нәзерде тутылған нақ пул қаржылары өз ўақтында берилиўин тәмийинлемей атырған коммерциялық банклердиң басшыларын ҳәм лаўазымлы шахсларын жуўапкершиликке тартыў бойынша нормалар әмелде қалай қолланылып атырғанын үйренсин.
6. Өзбекистан Республикасы Мәмлекетлик салық комитети, коммерциялық банклер, Қарақалпақстан Республикасы Министрлер Кеңеси, ўәлаят, қала ҳәм район ҳәкимликлери менен биргеликте нақ пул қаржыларының банктен тысқары айланысқа шығып кетиўине жол қоймаў және оның саўда ҳәм хызмет көрсетиў саласынан коммерциялық банклердиң кассаларына өз ўақтында қайтарылыўын тәмийинлеўге қаратылған анық системалы илажлар әмелге асырылыўын тәмийинлесин.
7. Мийнет ҳақы, пенсия, напақа ҳәм стипендиялардың өз ўақтында ҳәм үзликсиз төлениўин тәмийинлеў бойынша Өзбекистан Республикасы Бас прокуроры И.Б.Абдуллаев, Өзбекистан Республикасы Бас министриниң орынбасары Р.С.Азимов ҳәм Орайлық банктиң баслығы Ф.М.Муллажоновқа жеке жуўапкершилик жүкленсин.
8. Усы қарардың орынланыўын қадағалаў Өзбекистан Республикасының Бас министри А.Н.Ариповқа жүкленсин.

Өзбекистан Республикасы Президенти Ш.МИРЗИЁЕВ.
Ташкент қаласы, 2017-жыл 2-февраль


Мағлыўмат erkinkarakalpak.uz дан алынды


Фото: sof.uz
скачать dle 10.6фильмы бесплатно



  • 9-02-2017, 13:55 |
  • 525