Президент: «Жақында бир қарар шығады. Буған үлкен таярлық көрип атырман»

Президент: «Жақында бир қарар шығады. Буған үлкен таярлық көрип атырман»

 

28-январь күни Шырақшы районында Президент басшылығында Қашқадәрья ўәлаяты белсендилери жыйналысы болып өтти. Бул ҳаққында kun.uz хабар бермекте.

Бул жыйналыста ўәлаяттың социаллық-экономикалық жағдайы сын баҳалар тийкарында талқыланды. Бар болған машқалалар ашық айтылды, тийисли басшыларға тапсырмалар берилди. Президент Қашқадәрья ўәлаятындағы қыйтақ жерлер мәселесине тоқталып өтти.

«Жақында бир қарар шығады. Буған үлкен таярлық көрип атырман. Енди қыйтақ жери бола турып, ериншеклик етип, оған егин екпесе, оған жәрийма салынады. Өзбекистанда бизге ериншек адам керек емес. Участкасы, жери болса, өзи арбасын тартыўы керек. Балалары ушын жуўапкершиликти өз мойнына алыўы керек. Пүткил дүньяда раўажланыў, тийкарынан усындай. Бизде «алма пис, аўзыма түс» заманы өтип болды. Бүгиннен баслап ҳәммеге усындай талап болады. Мине усыны билиўи керек, билиўи шәрт.

Тегисликтиң ҳәр бир ўәлаяты, ҳәр бир районы қыйтақ жерден пайдаланыўына итибар бериң. Өнимли пайдаланады. Мен Қашқадәрья бойлап вертолётта еки мәрте айланып шықтым. Төменирек ушырдым. Қыйтақ жерлер қуп-қурғақ. Атызларға суў жиберилмеген, жерлер көгерип, музлап жатыр. 

Мине ҳәзир еки самолётта Қашқадәрьяға келдик. Бас министр орынбасарлары, Ташкенттен келген үлкенлер отырыпты залда. Ҳәр бириңиз ўәлаяттың ҳәр бир районына барып, жумыс орынларын шөлкемлестирип, кейин Ташкентке кетесизлер», - деди Президент.

 

Аўдарма: makan.uz

скачать dle 10.6фильмы бесплатно



  • 29-01-2018, 14:15 |
  • 748