Шавкат Мирзиёев: «Ҳәкимлер енди пахта менен шуғылланбайды»

 

Шавкат Мирзиёев: «Ҳәкимлер енди пахта менен шуғылланбайды»

 

Бүгин Ташкент ўәлаятында халық депутатлары Ташкент ўәлаяты кеңесиниң нәўбеттен тысқары сессиясы болып өтпекте. Сессияда қатнасып атырған Өзбекистан Республикасы Президенти Шавкат Мирзиёев ҳәкимлердиң ўазыйпа ҳәм мәжбүриятлары өзгертилиўи ҳаққында айтқан. Бул ҳаққында kun.uz хабар бермекте.

«Ҳәкимлер пахта менен шуғылланбайды. Билимлендириў ҳәм руўҳыйлық пенен бәнт болады. Пахтаны кластер системасы арқалы егемиз. Усы жылы ўәлаяттағы 4 районда кластер болады», - деп Президенттиң сөзлерин келтирген «Xabar.uz».

Президент сондай-ақ, Ташкент ўәлаятындағы машқалалар, оларды шешиў жоллары ҳаққында айтқан, жуўаплыларға бул бағдарда тийисли тапсырмалар берген.

«Ўәлаяттың 7 қаласындағы машқалалар менен Бас министр ҳәм Ташкент қаласы ҳәкими шуғылланады. Қалалар оларға бойсынады. Егер сонда да өзгерис болмаса, ўәлаятты екиге бөлемен. Ўәлаяттағы қалалар Ташкент қаласындағы басшыларға бойсынады. Сектор басшылары ҳәр күни Бас министрге мағлыўмат береди. Ҳәмме жумыстың негизинде халықты ырза етиў турады. Егер басшылар және ўәлаят ҳәкими әтирапында жәмлеспесе, ўәлаят екиге бөлинеди», - деп айтқан Өзбекистан Президенти.

Президент видеоселектор даўамында Республика Бас прокуроры ҳәм Ишки ислер министрине ўәлаят прокуроры ҳәм ўәлаят ишки ислер басқармасы баслығын жумыстан алыў ҳаққында тапсырма берген.

Сондай-ақ, Ташкент ўәлаятындағы 4 районның салық ҳәм финанс бөлимлери басшылары ҳәммеси жумыстан алыныўы айтылған.

Президентимиз жергиликли бюджетти дурыслаў ҳаққында күйинип сөйлеген.

«Жергиликли бюджетке салық түсимин орынламаған 4 районның салық ҳәм финанс бөлимлери басшылары шетинен жумыстан кетеди. Интернетте жәрияла, олардың орнына адам тап!», - деген Президентимиздиң сөзи келтирилген хабарда.

 

Аўдарма: makan.uz

скачать dle 10.6фильмы бесплатно



  • 5-01-2018, 21:50 |
  • 658