Ҳаял-қызлар комитети баслығы жумысы сынға алынды. Орынларда ҳаяллардың аўҳалы жүдә аўыр

Шавкат Мирзиёев Олий Мажлис Сенаты ҳәм Нызамшылық палатасы ағзаларына мүрәжатнамасында  бир қанша ҳәмелдарларды қатты сынға алды. Президент Өзбекстан Ҳаял-қызлар комитети баслығы Танзила Норбоеваның жумысы ҳәм улыўма, Өзбекстандағы ҳаял-қызлар аўҳалына бөлек тоқталып өтти. «Ҳаял-қызлар мәселеси қарарына қол қоя алмай атырман. Орынларда ҳаяллардың аўҳалы жүдә аўыр. Әпиўайы ҳаялдың дәртин ҳеш ким билалмай атыр. Ҳаял-қызлар баслығы жыйналысларда отыра бермей жуўапкершиликти мойнына алса», - деди Президентимиз.

Өзбекстан Президенти ҳаяллар арасында өзин өлтириў ҳалатлары саат сайын артып атырғанын айрықша атап өтти. «Норбоеваға уқсаған «үлкенлер» статистика бериўдиң орнына мине усы ҳалат ҳаққында дабыл қағыўы керек», - деди Президент.

Президент буннан соң, Ҳаял-қызлар комитети керек пе, жоқ па өзи, деген мәселени ортаға таслады ҳәм керек екен, оның жумысы қандай тәртипте болыўы керек, усы ҳаққында жақсылап ойлап көриў кереклигин айтты. Бул ҳаққында asr.uz хабар бермекте.

 

Аўдарма: makan.uz

скачать dle 10.6фильмы бесплатно



  • 22-12-2017, 16:58 |
  • 643